0
George Foreman, un di e boxdonan mas grandi di historia, a fayece diabierna na edad di 76 aña. Asina su famia a informa pa medio di un mensahe riba e rednan social.
“Nos curason ta destrosa. Cu hopi dolor, nos ta anuncia e fayecimento di nos George Foreman Sr. stima, kende a fayece na paz dia 21 di maart 2025. E tabata rondona pa su sernan keri”, e comunicado a bisa.
Foreman tabata campeon olimpico y dos biaha campeon di mundo categoria heavyweight. “Un predicado deboto, un casa deboto, un tata amoroso y un welo y bisawelo orguyoso, el a biba un bida marca pa un fe firme, humildad y proposito”, su famia a skirbi riba su cuenta di Instagram.
“Un humanitario, un deportista olimpico, y un campeon dobel di e mundo di heavyweight. E tabata un homber cu disciplina, convenci, un protector di su legado, cu a lucha di manera incansabel pa defende su nomber, pa su famia”, el a agrega.
Famia di e boxdo a bisa cu nan ta gradicido pa e apoyo y cariño cu nan ta ricibiendo di nan sernan keri y a pidi respet pa nan privacidad.
Foreman tabatin un carera legendario den boxeo entre e añanan 1960 y 1990, y tabata protagonista di peleanan historico contra Muhammad Ali of Joe Frazier.
E boxdo di Texas a gana oro olimpico na Ciudad de Mexico na 1968.
