Erling Haaland reyndist hetja Noregs þegar liðið lagði Fílabeinsströndina að velli í 32-liða úrslitum heimsmeistaramóts karla í fótbolta í Arlington í Bandaríkjunum í dag.
Leiknum lauk með naumum sigri Noregs, 2:1, en Haaland skoraði sigurmark leiksins á 86. mínútur eftir frábæran undirbúning Patricks Berg sem keyrði inn á teiginn og átti svo frábæra sendingu fyrir Haaland sem var einn gegn opnu marki.
Antonio Nusa fagnar marki sínu í dag.
AFP/LARS BARON
Nusa kom Noregi yfir
Antonio Nusa kom Noregi yfir á 39. mínútu með frábæru einstaklingsframtaki en hann keyrði inn á teiginn, færði boltann frá vinstri yfir á hægri og lagði hann snyrtilega upp í samskeytin fjær, utarlega í teignum.
Norðmenn leiddu 1:0 í hálfleik og það var ekki fyrr en á 74. mínútu sem Amad Diallo jafnaði metin fyrir Fílabeinsströndina.
Amad Diallo fagnar jöfnunarmarki sínu.
AFP/Aric Becker
Diallo jafnaði metin
Hann fór þá í frábært þríhyrningsspil við Nicolas Pépé, keyrði inn á teiginn og lagði boltann snyrtilega í hornið eftir að hafa farið illa með þrjá varnarmenn norska liðsins.
Það var svo títtnefndur Haaland sem skoraði sigurmarkið en Noregur mætir Brasilíu í 16-liða úrslitunum þann 5. júlí í New Jersey.
Antonio Nusa og Guela Doué eigast við.
AFP/LARS BARON
