Óttast er að rúmlega 80 farendur (e. migrants) hafi farist, þar á meðal eitt barn, eftir að bát þeirra rak stjórnlaust um Atlantshafið í 27 daga áður en spænska strandgæslan uppgötvaði hann um 65 sjómílur suðvestur af smábænum Arguineguín á suðurströnd Kanaríeyjarinnar Gran Canaria á miðvikudaginn. Source link

Nýliðar Ipswich taka á móti Liverpool í fyrsta leik 3. umferðar ensku úrvalsdeildar karla í fótbolta á Portman Road í Ipswich klukkan 19.  Fyrir leik er Ipswich í tólfta sæti með þrjú stig en Liverpool er sæti neðar með tvö.  Mbl.is fylgist með gangi mála og færir ykkur það helsta í beinni textalýsingu.  Alexander Isak fagnar öðru marki sínu í kvöld. AFP/Henry Nicholls Cody Gakpo er kominn með tvær stoðsendingar í leiknum. AFP/Henry Nicholls Source link

Meirihlutaflokkarnir í borgarstjórn, Sjálfstæðisflokkur, Framsóknarflokkur og Viðreisn, samþykktu á fundi borgarráðs í gær breytingar á gjaldtöku fyrir bílastæði í miðborg Reykjavíkur og tengd mál sem varða bílastæði. Til afgreiðslu voru á fundinum samþykktir meirihluta umhverfis- og skipulagsráðs Reykjavíkurborgar um að gjaldskyldutími bílastæða í miðborginni yrði styttur í samráði við hagaðila og íbúa. Einnig um að bæta öryggisgæslu og þjónustu í bílahúsum Bílastæðasjóðs, sem og tillaga fulltrúa sömu flokka um hámarksfjölda bílastæða við nýbyggingar í borginni. „Við hétum kjósendum því fyrir sveitarstjórnarkosningarnar að taka til í bílastæðamálum í borginni. Við hétum því að stytta gjaldskyldutímann í miðborginni, skapa öruggara umhverfi í bílastæðahúsunum. Við hétum því líka að afnema hámarksfjölda bílastæða á nýbyggingarsvæðum og við erum að standa við þessi loforð sem nú hafa verið afgreidd í umhverfis- og skipulagsráði,“ segir Hildur Björnsdóttir borgarstjóri í samtali við Morgunblaðið. Aðspurð segir Hildur að nýr gjaldskyldutími á gjaldsvæðunum P1 og P2 sem eru í...

Slökkviliðið á höfuðborgarsvæðinu fór í þrjú útköll í kvöld auk þess sem töluvert hefur verið um sjúkraflutninga. „Við fórum í útkall á gistiheimili í Hamraborg þar sem brunaviðvörunarkerfi var í gangi og lykt sem reyndist vera vegna eldamennsku,“ segir Sigurjón Hendriksson varðstjóri í samtali við mbl.is. Fimm manns í árekstri Þá fór slökkvilið í útkall vegna umferðarslyss á Ellliðavatnsvegi í Garðabæ þar sem fimm manns í tveimur bifreiðum áttu í hlut. Var einn þeirra með minni háttar áverka og tveir auk hans fluttir til skoðunar á slysadeild. Þriðja útkallið var vegna vatnsleka og er það nýafstaðið. Source link

Landsliðskonan unga Berglind Katla Hlynsdóttir er á leiðinni til New York þar sem hún mun leika með Long Island Lutheran-menntaskólanum.  Þetta staðfesti körfuboltafélag hennar Stjarnan í dag en Berglind Katla, sem er einungis 16 ára gömul, sló í gegn með yngri landsliðum Íslands í sumar.  Hún lék síðan sína fyrstu A-landsleiki í síðasta mánuði.  Berglind verður því ekki með Stjörnunni á komandi leiktíð í úrvalsdeildinni og bikarnum.  Source link

Bergþóra Kristinsdóttir verkfræðingur hefur verið ráðin framkvæmdastjóri Malbikstöðvarinnar. Hún tekur við af Vilhjálmi Þór Matthíassyni, stofnanda fyrirtækisins, sem stýrt hefur því í 22 ár og verður áfram starfandi stjórnarformaður. Bergþóra hefur frá 2020 verið framkvæmdastjóri þjónustusviðs Vegagerðarinnar og setið í yfirstjórn stofnunarinnar. Þar á undan starfaði hún í yfir tuttugu ár hjá Eflu verkfræðistofu, síðustu árin sem fagsviðsstjóri umferðar og skipulags. Hún er með M.Sc.-gráðu í umhverfis- og byggingarverkfræði frá Háskóla Íslands. Alls hefur hún 27 ára reynslu af samgöngu- og innviðaverkefnum, að því er félagið greinir frá í tilkynningu.  Með ráðningunni verður Malbikstöðin að öllum líkindum fyrsta malbiksfyrirtæki landsins þar sem konur gegna tveimur æðstu stjórnendastöðunum, en Lilja Samúelsdóttir er fjármálastjóri fyrirtækisins, segir enn fremur.  Malbikstöðin ehf. er malbiksfyrirtæki með um 55 starfsmenn og starfsemi á Esjumelum og Flugumýri. Source link

Sýslumaðurinn á Svalbarða, norður af Noregi, hefur lagt hald á og kyrrsett rússneska rannsóknar- og farþegaskipið Professor Moltsjanov í Barentsburg þar á eyjaklasanum og hefur Héraðsdómur Norður-Troms og Senja á meginlandi Noregs úrskurðað að skipið skuli liggja þar við festar þar til dómstóllinn eða sýslumaður ákveði annað. Frá þessu greinir Lars Fause, sýslumaður á Svalbarða, í fréttatilkynningu í dag en áhöfn skipsins og farþegar þess njóta nú gestrisni sýslumanns og rússneska námufyrirtækisins Trust Arktikugol sem hefur um árabil rekið mikla starfsemi á Svalbarða þótt hún snúist nú ekki lengur um kolavinnslu heldur fyrst og fremst ferðamannaiðnað. Enginn úr hópi áhafnar eða farþega er handtekinn, skipið hefur aðeins verið kyrrsett. Mikilvægt skref til réttlætis Sýslumaður hefur virt fyrirspurnir norskra fjölmiðla að vettugi en dagblaðið VG greinir frá því að kyrrsetningin sé að kröfu og undirlagi úkraínska olíu- og gasrisans Naftogaz til að standa að hluta undir eignum fyrirtækisins sem Rússar tóku...

Donald Trump Bandaríkjaforseti segist ánægður með að Harry Bretaprins og Meghan Markle hafi yfirgefið Bandaríkin og flutt aftur til Bretlands. Hann segir jafnframt að hefði hann verið hluti af bresku konungsfjölskyldunni hefði hann ekki tekið við þeim aftur. Harry Bretaprins og Meghan Markle fluttu nýverið aftur til Bretlands ásamt börnum sínum, Archie prins og Lilibet prinsessu, sex árum eftir að þau sögðu skilið við konungleg störf og fluttu til Bandaríkjanna. „Ég var ekki aðdáandi“ „Ég er ánægður með það. Ég var ekki aðdáandi,“ sagði Trump við fréttamenn í forsetaskrifstofunni í Hvíta húsinu í kvöld. Gagnrýndi Bandaríkjaforsetinn jafnframt Harry og Meghan fyrir framkomu þeirra við bresku konungsfjölskylduna og sagðist telja að þau hefðu sýnt henni mikla vanvirðingu. „Mér líkaði ekki hvernig hún kom fram. Mér fannst hún sýna Elísabetu drottningu og Karli konungi afskaplega mikla vanvirðingu,“ sagði Trump um Meghan. Hefði ekki tekið við þeim aftur Samband Harrys við föður sinn...

Vinsælt hefur verið á meðal fólks, þar á meðal ungmenna, að hittast á bílum og öðrum ökutækjum á Krýsuvíkurvegi, Nesjavallaleið og fleiri stöðum. „Það virðist vera eitthvert trend í gangi með einhverja svona hittinga og kannski frjálslegan akstur í einhverjum tilfellum. Þetta er það sem maður er að heyra, það sem er í umræðunni. Hvort það var eitthvað þannig þarna er auðvitað óstaðfest,“ segir Sævar Guðmundsson, aðalvarðstjóri hjá lögreglunni á höfuðborgarsvæðinu, aðspurður, en þrjú ungmenni fórust í bílslysi á Krýsuvíkurvegi aðfaranótt mánudags. Bílslysið er það mannskæðasta hér á landi frá því í desember 2018. Frá vettvangi slyssins. mbl.is/Karítas Fram undan að ræða við vitni Hann nefnir að hraðakstur sé eitt af því sem er til skoðunar hjá lögreglunni varðandi tildrög slyssins. Fram undan er að ræða við vitni. Til stendur að boða þau í skýrslutöku og hugsanlegt er að hún fari ekki fram fyrr en eftir helgi. Ekki...

Allt tiltækt slökkvilið hefur verið kallað út vegna bruna á Laugavegi 16, en þar er til húsa Center Hótel Skjaldbreið. Samkvæmt upplýsingum frá Slökkviliði höfuðborgarsvæðisins er ekki vitað um tildrög brunans, og er slökkvistarf ennþá í gangi. Að sögn sjónarvotta sem mbl.is ræddi við er mikið viðbragð vegna brunans í miðbænum. Sögðu þeir að eldurinn hefði komið upp í kjallara hússins. Er búið að rýma stóran hluta hótelsins, þar sem mikill reykur er um ganga þess.  Þá var gestum á nærliggjandi öldurhúsi gert að yfirgefa húsið þegar eldurinn kom upp. Fréttin hefur verið uppfærð. Leit að upptökum eldsins beindist að kjallara hússins. Ljósmynd/Aðsend Mikið viðbragð er í miðbænum vegna brunans. Ljósmynd/Aðsend Source link