ខេត្តកំពង់ស្ពឺ៖ លោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺ បានធ្វើការណែនាំដល់ម្ចាស់សត្តឃាតដ្ឋានទាំងអស់ ត្រូវតែយកចិត្តទុកដាក់ខ្ពស់ លេីការគ្រប់គ្រងកាកសំណល់ និង ការធ្វេីអនាម័យនៅបរិវេណខាងក្នុង និងជុំវិញ ដេីម្បីការគាំពារបរិស្ថាន និងសុខភាពសាធារណ:។
ការលើកឡើងបែបនេះ ក្នុងឱកាសដែលលោក អញ្ជើញចុះត្រួតពិនិត្យវឌ្ឍនភាពនៅតាមសត្តឃាតដ្ឋាន របស់ការិយាល័យផលិតកម្ម និងបសុព្យាបាល ខេត្តកំពង់ស្ពឺ កកាលពីថ្ងៃទី០១ ខែកក្កដា ឆ្នាំ២០២៦នេះ។
ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ លោក យឹម ណន លើកឡើងថា ការចុះពិនិត្យវឌ្ឍនភាព ការអនុវត្តន៍ គោលបំណងគឺរៀបចំកែលម្អបច្ចេកទេស និង អនាម័យ នៅតាមសត្តឃាតដ្ឋានមួយចំនួនក្នុងភូមិសាស្ត្រស្រុកគងពិសី ស្រុកសំរោងទង និងស្រុកបសេដ្ឋ ដោយមានការចូលរួមពីម្ចាស់សត្តឃាតដ្ឋាន អ្នកចូលរួមសរុបប្រមាណជាង១០នាក់។
លោក យឹម ណន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ស្ពឺបានបញ្ជាក់ឲ្យដឹងថា ក្រោយការចុះពិនិត្យ ជាលទ្ធផល៖ ជំនាញបានធ្វើការណែនាំដល់ម្ចាស់សត្តឃាតដ្ឋានទាំងអស់ ត្រូវតែយកចិត្តទុកដាក់ខ្ពស់ លេីការគ្រប់គ្រងកាកសំណល់ និង ការធ្វេីអនាម័យនៅបរិវេណខាងក្នុង និងជុំវិញ ដេីម្បីការគាំពារបរិស្ថាន និងសុខភាពសាធារណ: និងជៀសវាងប៉ះពាល់ដល់ការរស់នៅរបស់ប្រជាពលរដ្ឋក្នុងតំបន់នោះ ៕
កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
