Tvær slökkviliðsflugvélar hafa verið sendar á Parísarsvæðið eftir að eldur braust út í Fontainebleau-skógi suður af frönsku höfuðborginni.
Eldurinn, sem yfirvöld haf lýst af fordæmalausri stærðargráðu kviknaði síðdegis í gær í víðfeðmum skóginum um 60 kílómetra suðaustur af París en svæðið var eitt sinn konungleg veiðilenda.
Snemma í morgun hafði eldurinn breiðst út yfir 800 hektara svæði.
AFP/Geoffroy Van Der Hasselt
Breiðst yfir 800 hektara svæði
Snemma í morgun hafði eldurinn breiðst út yfir 800 hektara svæði sem m.a. olli því að A6-hraðbrautinni, helstu norður-suður umferðaræð Frakklands, var lokað að hluta.
15 heimili hafa verið rýmd í þorpinu Vaudoue og slökkviliðsmenn eru að verja nokkur önnur þorp.
Um 400 slökkviliðsmenn vinna að því að hemja eldinn.
AFP/Geoffroy Van Der Hasselt
Um 400 slökkviliðsmenn vinna að því að hemja eldinn. Umferð raskaðist á hraðbrautum á svæðinu, sem og á háhraðalestarlínunni sem liggur til suðausturhluta landsins.
Eric Brocardi, frá landssambandi slökkviliðsmanna í Frakklandi, sagði að þetta væri í fyrsta sinn sem slökkviliðsflugvélar væru sendar frá venjulega þurrari og heitari suðurhluta landsins til að slökkva elda á Parísarsvæðinu.
AFP/Geoffroy Van Der Hasselt
Á Parísarsvæðinu og á stórum hlutum Frakklands upplifir fólk nú þriðju hitabylgjuna síðan í maí, sem eykur hættuna á eldsvoðum.
Laurent Nunez innanríkisráðherra hefur tilkynnt að hann muni heimsækja Fontainebleau í dag.
AFP/Franck Desprez
