CPD-RDTL Husu Juíz Na’in Tolu Hato’o Klarifikasaun kona ba Desizaun Tribunal Rekursu Hasoru Manuel Gusmão
DILI: Membru Konsellu Populár Defeza Repúblika Demokrátika Timor-Leste (CPD-RDTL) husu ba Konsellu Superiór Magistratura Judisiál (CSMJ) atu konvoka reuniaun ida ho juiz na’in tolu atu fó klarifikasaun relasiona ho dezisaun Tribunál Rekursu nian, ne’ebé tuir alegasaun prejudika sidadaun Manuel Gusmão nia direitu kona ba disputa rai iha Aimetin Laran.
Pedidu ne’e hato’o husi sidadaun Ivo de Jesus Sequeira no Manuel Gusmão liuhusi keixa-reklamasaun ho karáter urjente, ne’ebé sira entrega ona ba CSMJ.
Membru Konsellu Populár Defeza Repúblika Demokrátika Timor-Leste (CPD-RDTL) husu CSMJ atu konvoka reuniaun ho Juíz na’in tolu ne’e, liu husi Konferénsia imprensa ne’e realiza iha, Aldeia Delta 4, São José, Comoro, Dili, Segunda ne’e (09/11/26).
Reportajen: Delfina Borges//