ເປີດແລ່ນລົດໄຟຂົນສົ່ງໂດຍສານ ລາວ-ໄທ ພິທີເປີດແລ່ນລົດໄຟ ຂົນສົ່ງຜູ້ໂດຍສານ ລາວ-ໄທ ແຕ່ ນະຄອນຫລວງວຽງຈັນ (ສະຖານີຄໍາສະຫວາດ) ຫາ ບາງກອກ (ສະຖານີ ກຸງເທບອະພິວັດ) ຈັດຂຶ້ນໃນວັນທີ 20 ກໍລະກົດ 2024 ໂດຍມີ ທ່ານ ໄຊສົງຄາມ ມະໂນທັມ ຮອງລັດຖະມົນຕີ ກະຊວງ ໂຍທາທິການ ແລະ ຂົນສົ່ງ ແຫ່ງ ສປປ ລາວ, ທ່ານ ສຸລະພົງ ປີຍະໂຊດ ຮອງລັດຖະ ມົນຕີ ກະຊວງຄົມມະນາຄົມ ແຫ່ງ ຣາຊະອານາຈັກໄທ, ພ້ອມດ້ວຍ ຄະນະຜູ້ແທນ ຂອງສອງປະເທດເຂົ້າຮ່ວມ. ໂອກາດນີ້, ທ່ານ ຫີນເພັດ ຫລ້າຄອນວົງ ຮອງຫົວໜ້າກົມທາງລົດໄຟ ກະຊວງໂຍທາທິການ ແລະ ຂົນສົ່ງ ລາຍງານໃຫ້ຮູ້ວ່າ: ພິທີເປີດແລ່ນລົດໄຟຂົນສົ່ງຜູ້ໂດຍສານ ລາວ-ໄທ ແຕ່ ນະຄອນ ຫລວງວຽງຈັນ (ສະຖານີຄໍາສະຫວາດ) ຫາ ບາງກອກ (ສະຖານີ ກຸງເທບອະພິວັດ) ແມ່ນໜຶ່ງໃນບັນດາໂຄງການຮ່ວມມື ຂອງສອງລັດຖະບານ ລາວ-ໄທ ໃນການສ້າງເງື່ອນໄຂອໍານວຍຄວາມ ສະດວກໃຫ້ແກ່ການສັນຈອນ ໄປ-ມາ ຫາສູ່ກັນຂອງປະຊາຊົນສອງຊາດ ລາວ-ໄທ ແລະ ການຂົນສົ່ງລະຫວ່າງປະເທດ ເພື່ອສົ່ງເສີມດ້ານການຄ້າ-ການລົງທຶນ ແລະ ທ່ອງທ່ຽວ ກໍຄື ການນໍາໃຊ້ທີ່ຕັ້ງຍຸດທະສາດສໍາຄັນຂອງສອງປະເທດ ຢູ່ອະນຸພາກພື້ນລຸ່ມແມ່ນໍ້າຂອງ ແລະ ອາຊີຕາເວັນອອກ-ສ່ຽງໃຕ້ ໃນການເຊື່ອມໂຍງ-ເຊື່ອມຈອດ ພື້ນຖານໂຄງລ່າງ ຕາມແລວເສດຖະກິດ ຕາເວັນ ອອກ-ຕາເວັນຕົກ, ເໜືອ-ໃຕ້ ເຊິ່ງຈະເປັນການອໍານວຍຄວາມສະ ດວກ ແລະ ສະໜັບສະໜູນ ການພັດທະນາການເຊື່ອມໂຍງການຂົນສົ່ງໃຫ້ໂລ່ງລ່ຽນ ລະຫວ່າງ ສອງປະເທດ ລາວ-ໄທ ກັບບັນດາປະເທດອະນຸພາກພື້ນ ໃຫ້ເກີດຜົນປະໂຫຍດສູງສຸດຮ່ວມກັນ. ໂຄງການກໍ່ສ້າງເສັ້ນທາງລົດໄຟ ລາວ-ໄທ ທ່ານາແລ້ງ-ຄໍາສະຫວາດ ແມ່ນໄດ້ຮັບການສະໜັບສະໜູນຊ່ວຍເຫລືອທາງດ້ານງົບປະມານໃຫ້ແກ່ ສປປ ລາວ ຈາກລັດຖະບານໄທ ຜ່ານອົງການ NEDA ເຊິ່ງນອນໃນແຜນຍຸດທະສາດ ການພັດທະນາເສັ້ນທາງລົດໄຟ ເຊື່ອມຕໍ່ ລາວ-ໄທ ຂອງກະຊວງ ໂຍທາທິການ ແລະ ຂົນ ສົ່ງ, ເປັນການຊ່ວຍ ເຫລືອທີ່ມີຄວາມໝາຍສຳຄັນ ໃນການພັດ ທະນາໂຄງລ່າງພື້ນຖານ ຂອງ ສປປ ລາວ, ໂຄງການນີ້ແມ່ນໃຊ້ງົບປະມານທັງໝົດ 1.650 ລ້ານບາດ, ໃນນີ້ເປັນເງິນກູ້ 70% ແລະ ຊ່ວຍເຫລືອລ້າ 30%. ໂຄງການກໍ່ສ້າງເສັ້ນທາງລົດໄຟ ລາວ-ໄທ ໄລຍະ 2 ເຊິ່ງປະກອບມີການກໍ່ສ້າງສະຖານີວຽງຈັນ (ຄຳສະຫວາດ), ສະຖານີສິນຄ້າ ທ່ານາແລ້ງ ແລະ ການກໍ່ສ້າງລາງລົດໄຟ ແຕ່ສະຖານີທ່ານາແລ້ງ-ສະຖານີວຽງຈັນ (ຄຳສະຫວາດ), ລວງຍາວ 7,5 ກິໂລແມັດ ແລະ ໄດ້ສໍາເລັດ, ພ້ອມທັງເປີດນຳໃຊ້ສະຖານີດັ່ງກ່າວ, ໃນວັນທີ 30 ຕຸລາ 2023 ຜ່ານມາ. ທ່ານ ຫີນເພັດ...

ສສຍລ ສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 69 ປີ ສູນກາງສະຫະພັນແມ່ຍິງລາວ (ສສຍລ) ໄດ້ຈັດພິທີສະ ເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 69 ປີ(20ກໍລະກົດ1955 – 20ກໍລະກົດ 2024)ຂຶ້ນໃນວັນທີ 19 ກໍລະກົດ ນີ້ທີ່ສູນອົບຮົມແມ່ຍິງລາວ ບ້ານໂພນທັນ ເມືອງສີສັດຕະນາກ ນະຄອນຫຼວງວຽງຈັນ, ພາຍໃຕ້ການເປັນປະທານ ຂອງທ່ານນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ)ໂດຍການໃຫ້ກຽດເຂົ້າຮ່ວມຂອງ ທ່ານ ນາງ ວິພາວັນ ພົມວິຫານ ພັນລະຍາທ່ານປະທານສະພາແຫ່ງຊາດ ພ້ອມດ້ວຍຄອບຄົວການນໍາ, ພະນັກງານອາວຸໂສບໍານານ ມີບັນດາທ່ານຄະນະປະທານແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດລາວ,ສະຫະພັນກໍາມະບານລາວ, ທ່ານເລຂາຄະນະຊາວໜຸ່ມປະຊາຊົນ ປະຕິວັດລາວ ພ້ອມດ້ວຍອົງການອ້ອມຂ້າງສູນກາງເຂົ້າຮ່ວມ. ໃນພິທີ ທ່ານ ນາງ ອາລີ ວົງໜໍ່ບຸນທໍາ ໄດ້ຫວນຄືນມູນເຊຶ້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ ທ່ານກ່າວວ່າ: ວັນທີ20 ກໍລະກົດ1955 ພັກໄດ້ຈັດຕັ້ງໜ່ວຍຄົ້ນຄວ້າວຽກງານແມ່ຍິງຂຶ້ນຢ່າງເປັນທາງການແລະແຕ່ງຕັ້ງຄະນະໜ່ວຍປະກອບມີ3 ທ່ານຄື: ທ່ານ ນາງ ຄໍາຫຼ້າ ວົງສັກ ເປັນຫົວໜ້າໜ່ວຍ, ທ່ານນາງ ຄໍາສຸກວົງວິຈິດ, ທ່ານ ນາງ ຄໍາແພງ ບຸບຜາ ເປັນກໍາມະ ການເພື່ອສືບຕໍ່ນໍາພາອົງການຈັດຕັ້ງແມ່ຍິງ ແລະຂົນຂວາຍຂະ ບວນການແມ່ຍິງທົ່ວປະເທດ, ໃນໄລຍະນັ້ນການຈັດຕັ້ງແມ່ຍິງຢູ່ທ້ອງຖິ່ນຮາກຖານເຄື່ອນໄຫວເປັນໜ່ວຍຍຸວັນນາລີ, ໜ່ວຍແມ່ນັກຮົບ, ໜ່ວຍເອື້ອຍນັກຮົບ,ຄະນະດັ່ງກ່າວ ມີໜ້າທີ່ຄົ້ນຄວ້າກໍານົດພາລະບົດບາດ, ກົດລະບຽບແລະໂຄງການດໍາເນີນງານເພື່ອເປັນພື້ນຖານໃຫ້ແກ່ການຈັດຕັ້ງ,ເຕົ້າໂຮມຄວາມສາມັກ ຄີ,ສຶກສາອົບຮົມປຸກລະດົມຂົນຂວາຍຂະບວນການແມ່ຍິງລາວບັນດາເຜົ່າເຂົ້າເປັນກໍາລັງແຮງໃຫ້ແກ່ການປະຕິວັດປົດປ່ອຍຊາດ. ເດືອນມັງກອນປີ1956ໄດ້ປ່ຽນຊື່ໜ່ວຍຄົ້ນຄວ້າວຽກງານແມ່ຍິງມາເປັນສະມາຄົມແມ່ຍິງລາວຮັກຊາດ. ນັບແຕ່ມື້ສ້າງຕັ້ງເປັນຕົ້ນມາ,ອົງການຈັດຕັ້ງແມ່ຍິງກໍໄດ້ເຄື່ອນ ໄຫວຕາມພາລະບົດບາດທີ່ໄດ້ກໍານົດໄວ້ໃນກົດລະບຽບ,ໂຄງການ ດໍາເນີນງານຂອງຕົນ, ສ້າງຄໍາຂວັນເພື່ອປຸກລະດົມຂະບວນການແຕ່ລະໄລຍະເປັນຕົ້ນ ເດັດດ່ຽວປະຕິບັດຕາມຄຳຂວັນທີ່ວ່າ: “ທຸກສິ່ງທຸກຢ່າງເພື່ອແນວໜ້າ, ທຸກສິ່ງທຸກຢ່າງເພື່ອຕີເອົາຊະນະຈັກກະພັດອາເມລິກາແລະລູກມື”.ພາຍຫຼັງປະເທດຊາດໄດ້ຮັບການປົດປ່ອຍແມ່ຍິງລາວໄດ້ເຂົ້າຮ່ວມປະຕິບັດສອງໜ້າທີ່ຍຸດ ທະສາດຄື:ປົກປັກຮັກສາແລະສ້າງສາພັດທະນາປະເທດຊາດ. ຜ່ານຂະບວນການດັ່ງກ່າວສ້າງໃຫ້ແມ່ຍິງລາວໄດ້ຮັບການພັດທະ ນາໃນທຸກດ້ານສາມາດເຂົ້າຮ່ວມໃນທຸກຂົງເຂດວຽກງານແລະໄດ້ຮັບຄວາມເຊື່ອໝັ້ນຈາກການຈັດຕັ້ງພັກ-ລັດ,ສັງຄົມແລະຄອບຄົວ. ມາຮອດປັດຈຸບັນ, ອົງການຈັດຕັ້ງສະຫະພັນແມ່ຍິງໄດ້ສຳເລັດກອງປະຊຸມໃຫຍ່ຂອງຕົນVIIIຄັ້ງ, ແຕ່ລະຄັ້ງໄດ້ຮັບຮອງເອົາເນື້ອໃນສຳຄັນ ຊຶ່ງທັງໝົດລ້ວນແລ້ວແຕ່ເປັນການຜັນ ຂະຫຍາຍແນວທາງຂອງພັກ, ນະໂຍບາຍຂອງລັດເຂົ້າໃນການພັດທະນາ ແລະສົ່ງເສີມຄວາມກ້າວໜ້າແກ່ເອື້ອຍນ້ອງແມ່ຍິງລາວບັນດາເຜົ່າ ເຮັດໃຫ້ຖານະບົດບາດຂອງແມ່ຍິງລາວນັບມື້ສູງຂຶ້ນ. ພັກແລະລັດຍາມໃດກໍຮັບຮູ້ເຖິງຜົນງານການເຄື່ອນໄຫວຂອງເອື້ອຍນ້ອງແມ່ຍິງບັນດາເຜົ່າ ທີ່ໄດ້ປະກອບສ່ວນຢ່າງຕັ້ງໜ້າແລະແຂງແຮງໃນພາລະກິດລວມຂອງປະເທດຊາດ, ແມ່ຍິງລາວເປັນ “ແມ່ທີ່ດີ”, ຖືເປັນ“ສັນຍາລັກ,ເປັນຜູ້ສືບທອດ ແລະເສີມ ຂະຫຍາຍວັດທະນະທໍາອັນອຸດົມຮັ່ງມີແລະຈົບງາມ.ເປັນນັກຕໍ່ສູ້ທີ່ທໍລະຫົດແລະອົດທົນ, ກ້າຫານປະດິດສ້າງ ໄປສູ່ຄວາມກ້າວໜ້າທັນສະໄໝຢ່າງບໍ່ຢຸດຢັ້ງ, ສົມຄວນໃຫ້ຂະໜານນາມວ່າແມ່ຍິງລາວເປັນແມ່ຍິງວິລະຊົນ,ມີຄວາມອ່ອນໂຍນ,ສຸຂຸມແຕ່ບໍ່ອ່ອນແອ.ແມ່ຍິງລາວເຮົາຮູ້ແກ້ໄຂຄວາມເປັນອັນຕະລາຍແຕ່ບໍ່ທໍາລາຍຄວາມຮູ້ສຶກ”. ສະຫາຍທອງລຸນ ສີສຸລິດ ເລຂາທິການໃຫຍ່ພັກປະຊາຊົນ ປະຕິວັດລາວ ປະທານປະທດ ໄດ້ມີຄໍາເຫັນໂອ້ລົມໃນໂອກາດເຂົ້າຮ່ວມກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ VIII ບາງຕອນວ່າ: “ຜ່ານພຶດຕິກໍາຕົວຈິງໄດ້ຊີ້ໃຫ້ເຫັນວ່າ: ບ່ອນໃດທີ່ມີການຈັດຕັ້ງສະຫະພັນແມ່ຍິງທີ່ເຂັ້ມແຂງ, ໜັກ ແໜ້ນ, ບ່ອນນັ້ນສາມາດປະຕິບັດພາລະບົດບາດແລະໜ້າທີ່ຂອງຕົນໄດ້ຢ່າງມີຜົນສໍາເລັດ; ເອື້ອຍນ້ອງແມ່ຍິງຍັງໄດ້ປະຕິບັດໜ້າທີ່ສໍາຄັນໃນການເບິ່ງແຍງອົບຮົມບົ່ມສອນລູກຫຼານ, ເຕົ້າໂຮມຄວາມສາມັກຄີ,ສ້າງສະຖາບັນຄອບຄົວໃຫ້ມີຄວາມຜາສຸກ; ພວກສະຫາຍສົມແລ້ວທີ່ເປັນບ່ອນອີງທີ່ແຂງແກ່ນໃຫ້ແກ່ຄອບຄົວແລະສັງຄົມ ເຖິງວ່າວຽກງານຂອງແມ່ຍິງທີ່ຮັບຜິດຊອບແລະປະຕິບັດໜ້າທີ່ຂອງຕົນນັ້ນຈະໜັກໜ່ວງປານໃດກໍບໍ່ເຄີຍຈົ່ມວ່າແລະເສຍກໍາລັງໃຈ, ມີແຕ່ຕັ້ງໜ້າຄຽງບ່າຄຽງໄຫຼ່ກັບເພດຊາຍເຂົ້າຮ່ວມຂະບວນການສ້າງສາພັດທະນາໃຫ້ຈະເລີນຮຸ່ງເຮືອງ ຂໍໃຫ້ສືບຕໍ່ຮັກສາແມ່ຍິງລາວເປັນລູກສາວຜູ້ປະເສີດຂອງພັກ,ຂອງປະເທດຊາດ ຕໍ່ໄປ”. ພ້ອມນີ້ ກໍໄດ້ຮັບຟັງການນໍາສະເໜີຫົວຂໍ້ ເສີມຂະຫຍາຍເສດຖະກິດການດູແລເບິ່ງແຍງ ແລະ ຄວາມເຂັ້ມແຂງ ເພື່ອນໍາໄປສູ່ປະຊາຄົມອາຊຽນ ຫຼັງປີ 2025; ການຮັກສາຄວາມປອດໄພຂໍ້ມູນຂ່າວສານທາງສື່ອອນລາຍ; ນໍາສະໜີກ່ຽວກັບຫັດຖະກໍາພື້ນເມືອງພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ ທີ່ຖືກຮັບຮອງເປັນມໍລະດົກໂລກ ແລະ ປະຫັວດຄວາມເປັນມາຂອງລາຍນາກໃນຜ້າລາວ ຕື່ມອີກ. ຂ່າວ-ພາບ: ຍຸພິນທອງ Facebook

ຂ່າວພາກຄ່ຳ 19/07/2024 Facebook

ການຊ້ອມຮົບຮ່ວມ ລາວ-ຈີນ “ໂລ້ກຳບັງມິດຕະພາບ 2024” ອັດລົງດ້ວຍຜົນສໍາເລັດອັນຈົບງາມ ກອງທັບປະຊາຊົນລາວ ແລະ ກອງທັບປົດປ່ອຍປະຊາຊົນຈີນ ໄດ້ສໍາເລັດການຊ້ອມຮົບຮ່ວມ ໃນຫົວຂໍ້ “ໂລ້ກຳບັງມິດຕະພາບ-2024”, ໃນວັນທີ 18 ກໍລະກົດ 2024, ໂດຍການເປັນປະທານຂອງ ສະຫາຍ ພົນໂທ ຄໍາລຽງ ອຸທະໄກສອນ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບປະຊາຊົນລາວ ແລະ ໃຫ້ກຽດເຂົ້າຮ່ວມຂອງສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ, ມີ ສະຫາຍ ພົນໂທ ຍີນ ຫົງເຫວິນ ຄະນະກໍາມະການການເມືອງ, ຫົວໜ້າກົມວຽກງານການເມືອງເຂດສູ້ຮົບພາກໃຕ້ ກອງທັບປົດປ່ອຍປະຊາຊົນຈີນ, ສະຫາຍ ນາງ ຟາງ ຫົງ ເອກອັກຄະລັດຖະທູດວິສາມັນ ຜູ້ມີອໍານາດເຕັມແຫ່ງ ສປ ຈີນ ປະຈຳ ສປປ ລາວ, ບັນດາການ ນຳພັກ-ລັດ, ຄະນະນຳກະຊວງປ້ອງກັນປະເທດ ຕະຫຼອດຮອດ ນາຍ ແລະ ພົນທະຫານ ກອງທັບປະຊາຊົນລາວ ແລະ ກອງທັບປົດປ່ອຍປະຊາຊົນຈີນ ເຂົ້າຮ່ວມ. ການຊ້ອມຮົບຮ່ວມໃນຄັ້ງນີ້ ໄດ້ສັງລວມເອົາ 5 ເນື້ອໃນຄື: ເນື້ອໃນທີ 1 ແມ່ນການສືບຂ່າວສະໜາມ ແລະ ຊ່ວຍເຫຼືອຕົວປະກັນ, ເນື້ອໃນທີ 2 ການຕໍ່ຕ້ານຍົນບໍ່ມີຄົນຂັບແບບສືບຂ່າວ ແລະ ໂຈມຕີກວດຈັບການເຄື່ອນໄຫວສະກັດໂດຣນສືບຂ່າວຂອງສັດຕູ, ເນື້ອໃນທີ 3 ກວດກູ້ທໍາລາຍລະເບີດໜ້າສະໜາມ, ປະຕິບັດການທາງຈິດຕະສາດ ແລະ ຕີພິເສດປິດລ້ອມດັບສູນ, ເນື້ອໃນທີ 4 ປະຕິບັດດັບສູນສັດຕູດ້ວຍກຳລັງໄຟໜັກ ແລະ ບຸກໂຈມຕີຈາກຫຼາຍທິດທາງ ແລະ ກອບກູ້ຜູ້ຖືກບາດເຈັບ ແລະ ເນື້ອໃນທີ 5 ສອງຝ່າຍຮ່ວມກັນດັບສູນ, ສິ້ນສຸດຊ້ອມຮົບ ແລະ ຈັດຕັ້ງຖອນກໍາລັງ. ໃນໂອກາດນີ້, ສະຫາຍ ພົນໂທ ຄໍາລຽງ ອຸທະໄກສອນ ໄດ້ກ່າວວ່າ: ການເຄື່ອນໄຫວການຊ້ອມຮົບຮ່ວມກອງທັບ ລາວ-ຈີນ ໃນຫົວຂໍ້ “ໂລ້ກຳບັງມິດຕະພາບ-2024” ຢູ່ທີ່ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສິ້ນສຸດລົງ, ດ້ວຍຜົນສຳເລັດອັນຈົບງາມ ເຊິ່ງມັນໄດ້ສ້າງຄວາມສຳພັນໄມຕີມິດຕະພາບ ທີ່ໜ້າຈົດຈຳຢ່າງເພິ່ງພໍໃຈ ໃຫ້ແກ່ນາຍ ແລະ ພົນທະຫານຂອງສອງກອງທັບ ລາວ-ຈີນ ເຊິ່ງເປັນມິດຕະພາບທີ່ງົດງາມ ທີ່ສອງກອງທັບບໍ່ອາດຈະຫຼົງລືມໄດ້, ເຊິ່ງໄດ້ສະແດງອອກໃນຕະຫຼອດໄລຍະການເຄື່ອນໄຫວຫັດແອບ “ໂລ້ກຳບັງມິດຕະພາບ-2024” ເພື່ອນສະຫາຍນາຍ ແລະ ພົນທະຫານສອງກອງທັບ ລາວ-ຈີນ ໄດ້ອອກແຮງແຂ່ງຂັນກັນຢ່າງຕັ້ງໜ້າ ເຂົ້າໃນການປະຕິບັດໜ້າທີ່ຂອງຕົນຢ່າງບໍ່ຮູ້ອິດເມື່ອຍ ແລະ ມີການແລກປ່ຽນກ່ຽວກັບຍຸດທະວິທີແບບໃໝ່ທີ່ທັນສະໄໜ, ເພື່ອບັນລຸໄດ້ເປົ້າໝາຍການບຸກຕີເຂົ້າລວງເລິກເປັນພາບດຽວ, ການບັນຊາມີແບບແຜນ, ບັນຊາແມ້ນຢຳ, ເຂົ້າເປົ້າໝາຍ ແລະ ການປະຕິບັດໜ້າທີ່ຖືກຕ້ອງຕາມຈຸດປະສົງ, ເພື່ອເຮັດໃຫ້ຄວາມສາມາດໃນການບັນຊາຊ້ອມຮົບຮ່ວມຂອງພວກເຮົາໄດ້ຮັບຜົນດີ, ນອກນັ້ນເພື່ອນສະຫາຍ ລາວ-ຈີນ ໄດ້ມີການພົບປະສ້າງສັນແລກປ່ຽນພາສາຄວາມເຂົ້າໃຈເຊິ່ງກັນ ແລະ ກັນ ຕະຫຼອດຮອດການເຄື່ອນໄຫວກິດຈະກຳ, ສີລະປະ-ວັນນະຄະດີ-ກິລາ ແລະ ອື່ນໆ, ພິເສດການເຄື່ອນໄຫວຊ້ອມຮົບຮ່ວມ ກອງທັບ ລາວ-ຈີນ ໃນຫົວຂໍ້ “ໂລ້ກຳບັງມິດຕະພາບ-2024”...