Danir munu aðstoða Frakka og Breta í alþjóðlegum siglingaleiðangri sem tvö síðarnefndu ríkin hafa komið á fót til að stuðla að enduropnun Hormússunds.
Að sögn Jeppe Bruus, varnarmálaráðherra Danmerkur, munu Danir senda hóp túlka, dróna og starfsliðsforingja auk þess sem möguleiki verður að nýta „sérfræðiþekkingu á sviði netöryggis“.
Varnarmálaráðherrann vildi ekkert gefa upp um hversu margir Danir yrðu sendir til að taka þátt í verkefninu.
Hið minnsta 37 vöruflutningaskip fóru um Hormússund í gær en fleiri skip hafa ekki farið um sundið frá upphafi stríðsins í febrúar.
Frakkar og Bretar standa fyrir alþjóðlegum leiðangri til að hreinsa upp jarðsprengjur á svæðinu til að tryggja að Hormússund haldist opið eftir að samningur milli Bandaríkjanna og Írans um endalok stríðsins verður gerður.
