Mikil stemning var hjá landsmönnum í vikunni sem leið og samfélagsmiðlar báru þess glögg merki. Eins og svo oft áður voru margir duglegir að deila því sem á daga þeirra dreif enda af mörgu að taka.
Með vor í hjarta
Leikkonan Berglind Alda Ástþórsdóttir deildi skemmtilegum svipmyndum frá liðnu vori og sýndi fylgjendum sínum hvað á daga hennar dreif.
Spennandi tennismót
Lögmaðurinn Diljá Helgadóttir skellti sér á Queen’s Club tennismótið í London ásamt eiginmanni sínum Snæbirni Vali Ólafssyni. Hjónin nutu sín í botn í sólinni og fylgdust með spennandi viðureign á vellinum.
Ástfangin á Tenerife!
Svali Kaldalóns og Birna Baldursdóttir einkaþjálfari eru stödd á Tenerife og leikur lífið við þau eins og sést á þessari mynd.
Þorgils Helgason og Unnur Elísabet Gunnarsdóttir gengu í hjónaband í Sitges á Spáni.
Samsett mynd
Giftust á Spáni
Unnur Elísabet Gunnarsdóttir fjöllistakona og leikstjóri og Þorgils Helgason viðskiptastjóri á mannvirkjasviði Samtaka iðnaðarins gengu í hjónaband í Sidges á Spáni.
Vandræðalega heit í borg ástarinnar
Eva Ruza er að stikna úr hita í París. Óhætt er að segja að fegurðin fari vel yfir hættumörk á þessari mynd!
Krummi fagnar ástinni!
Krummi Björgvinsson er þakklátur fyrir ástina sem bankaði upp á fyrir þremur árum. Tania Zarak Quintana átti afmæli og sendi Krummi henni fallega kveðju!
Á stuttbuxum á fjalli
Hlaupadrottningin Mari Järsk elskar að vera ólétt eins og þessi ljósmynd sannar.
Hjólahjón!
Hjónin Matthildur Magnúsdóttir og Hallgrímur Ólafsson leikari fóru til Ítalíu og nutu lífsins. Þau hjóluðu um allt og lifðu sínu besta lífi eins og sagt er! Með í för voru nokkrir listrænir og sætir vinir eins og Nína Dögg Filippusdóttir, Gísli Örn Garðarsson, Birgitta Haukdal og Jón Jónsson svo einhverjir séu nefndir.
Vaknaði í Ölpunum!
Rannveig Bjarnadóttir býr í Þýskalandi en var svo lánsöm að vakna upp í Ölpunum. Fegurðin á þessari ljósmynd er allsráðandi.
Áfram ástin!
World Class-systkinin Birgitta Líf og Björn Boði Björnsbörn skelltu sér í brúðkaup og fögnuðu ástinni með góðu fólki.
Heldur með Brasilíu!
Samfélagsmiðlastjarnan Brynhildur Gunnlaugsdóttir er búin að vera á ströndinni í allt sumar. Það kemur þó ekki í veg fyrir að hún fylgist með HM í knattspyrnu. Brasilía er greinilega hennar lið.
Ó elsku Balí!
Sunneva Eir Einarsdóttir, áhrifavaldur og hlaðvarpsstjarna, fór til Balí nýverið og fær ekki nóg af áfangastaðnum sem er eins og draumur miðað við myndirnar sem hún deildi.
Breytti um stíl!
Samfélagsmiðlastjarnan Helgi Ómarsson breytti um hárstíl á dögunum. Hann vaknaði einn daginn og rakaði af sér hárið, ekki svo ólíkt Britney Spears.
Skvísulæti!
Guðrún Svava Egilsdóttir, betur þekkt sem Gugga í gúmmíbát, gerði sig til og skellti í speglasjálfu.
Lúxus frí!
Fegurðardrottningin Sigga Ózk fór í kærkomið frí til Portúgal. Hún naut lífsins í sólinni, borðaði gott útlenskt jarðaberjajógúrt og klæddist bleikum sandölum. Svona á lífið að vera.
Endalaust frí!
Samfélagsmiðlastjarnan Móeiður Lárusdóttir ferðast um grísku eyjarnar í sumar. Oft eru börnin með í fjör en um daginn fékk hún mömmufrí.
