Hinsegin dagar hefjast í dag og fer setning hátíðarinnar fram í Iðnó klukkan 12. Þar verður markað upphaf einnar litríkustu og skemmtilegustu viðburðaviku ársins.
Hægt er að sjá dagskrána hér fyrir vikuna.
Björg Magnúsdóttir, forseti borgarstjórnar, flytur ávarp og Helga Haraldsdóttir, formaður Hinsegin daga, setur hátíðina formlega. Guðjón Þorgils flytur síðan lag Hinsegin daga 2026.
„Þá verður farið fyrir utan Ráðhúsið þar sem við munum draga regnbogafánann að húni ásamt Björgu Magnúsdóttur, forseta borgarstjórnar. Guðjón Þorgils er 18 ára gamall og flytur lag Hinsegin daga í ár, sem er samið af honum, Ingu Auðbjörgu og Axel Inga,“ segir Helga í samtali við mbl.is.
Í kvöld fer opnunarhátíð Hinsegin daga fram í sjálfstæðissalnum NASA á Parliament hóteli klukkan 20 með fjölbreyttum atriðum sem marka upphaf hátíðarvikunnar, að því er kemur fram í tilkynningu.
