0
Den oranan di atardi local di diadomingo (mey anochi na Vaticano) papa Francisco tabata na tino pero ainda e tabata ricibi cantidad halto di oxigeno adicional, despues di a pasa den un crisis respiratorio y transfusionnan di sanger, e dia prome. E pontifice ta den estado critico debi na un complicacion di infeccion pulmonar, Vaticano a informa diadomingo.
E declaracion cortico diadomingo mainta no a menciona si Francisco tabata riba pia of na cama, manera a menciona e otro dianan. “El a pasa nochi trankil, Papa a descansa”, e informe ta menciona.
Mas despues, Vaticano a indica cu Francisco tabata consciente, e tabata sigui ricibi oxigeno extra y tabata haciendo mas testnan clinico. Prensa tabata en espera di mas detayes medico diadomingo atardi pero no a haya nada mas.
Diasabra e dokternan a bisa cu e papa, di 88 aña, kende a kita parti di su pulmon ora cu e tabata hoben, tabata den estado critico. Diasabra mainta el a pasa den un crisis respiratorio asmatico durante su tratamento pa pulmonia y un infeccion pulmonar complica
Segun nan a bisa, Papa mester a ricibi cantidad grandi di oxigeno pa yud’e hala rosea via di un tubo cu ta pasa den su nanishi. Tambe el a haya transfusion di sanger despues cu e testnan a mustra cu su placanan di sanger ta abou, cual ta necesario pa coagulacion, segun Vaticano a informa den su update di anochi.
Dokternan a bisa cu e condicion di Francisco ta poco dudoso, debi na su edad, fragilidad y problema di pulmon cu semper e tabatin.
