Luxemburgo

866f475bf1c172f42a64c082b713307b.jpeg
Luxemburgo, RTL, Luxemburgês
2024-07-12 07:44:14
Formatioun soll wichtegt Element sinn RTL|Update: 12.07.2024 08:45 Den neie Kollektivvertrag am Bankesecteur steet. D’Gewerkschaften OGBL, LCGB an Aleba si sech mat der Banken- a Bankiersassociatioun ABBL eens ginn. E wichtegt Element wier d’Formatioun, heescht et an engem gemeinsame Communiqué. D’Budgetsenveloppe geet fir déi nächst 3 Joer ëm 10 % an d’Luucht. Et kënnt e minimale Budget fir Formatiounen an all Mataarbechter, deen ënnert de Kollektivvertrag fält, muss all Joer op d’mannst 16 Stonnen Weiderbildung maachen. An dësen Zäite wieren nämlech ëmmer nei Kompetenze gefuerdert. All Salarié kritt dat anert Joer am Januar dann eng eemoleg Primm vu 500 Euro. Ausserdeem geet déi sougenannet Fidelitéitsprimm erop. Den neie Kollektivvertrag geet bis 2026. Source link
cf7bcf401f5a673376cecda289268025.jpeg
Luxemburgo, RTL, Luxemburgês
2024-07-11 21:33:36
Et gëtt geschat, datt zu Lëtzebuerg iwwer 6.500 Leit vun Autismus betraff sinn. Hautdësdags schwätzt ee vum Autismus-Spektrum. Dat well et ganz ënnerschiddlech Forme vun dëser Entwécklungs-Stéierung ginn. Op der anerer Säit entwéckelt och all Concernéierte verschidde Kompetenzen. Kompetenzen, déi et ze fërdere gëllt. Am Kader vun eiser Serie iwwer Inklusioun vu Leit mat enger Behënnerung war RTL op Besuch am Service de Formation Professionelle vun der Associatioun “Autisme Luxembourg”. Hei gi Jonker, déi esou eng Stéierung hunn, a mat der Schoul fäerdeg sinn, op d’Beruffswelt preparéiert. Dënschdesmoies ass zu Biekerech am Service vun der Beruffsausbildung fir Autisten schaffen ugesot. Déi jonk Fraen a Männer, déi hei an der Formatioun sinn, gehéieren zu deenen, déi net grad esou autonom sinn. D’ASBL Autisme Luxembourg betreit en zweete Grupp zu Useldeng, wou Jonker sinn, déi mi autonom sinn, erkläert de Martin Burgard, de Responsabele vum Service de Formation Professionnelle. “Hei (zu Biekerech) gëtt méi...
8e94b0f3283ac6ffadb6319769eb6af2.jpeg
Luxemburgo, RTL, Luxemburgês
2024-07-11 12:22:37
En Donneschdeg de Mëtteg ass an der Haaptstad vun der Normandie e Feier an der historescher Kathedral vu Rouen ausgebrach. D’Ursaach vum Brand ass bis ewell net bekannt, huet de Buergermeeschter vun der Stad op X geschriwwen. D’Feier ass an engem vun den Tierm vun der gotescher Kathedral ausgebrach, an deem grad Chantier ass. Beim Tuerm sinn deck Dampwolleken ze gesinn. 63 Pompjeeë si mat 33 Gefierer am Asaz, esou de Buergermeeschter. Wéi ënnert anerem op “Le Monde” ze liesen ass, gëtt zanter Ufank des Jores un deem Deel vun der Kathedral geschafft. Den Ament ass virun allem déi 151 Meter héich Tuermspëtzt vun de Flame betraff. D’Tuermspëtzt wier eng vun de leschte Statiounen an dem gréissere Renovéierungsprozess, deen 2015 ugefaangen hat. D’Kathedral vu Rouen gëllt als Meeschterwierk vun der Gotik. Den Ufank vun den Aarbechten un der Kathedral, wéi ee se haut kennt, ginn op d’Joer 1145 zeréck an...
dcea384487e6a83616b29698bd10321f.jpeg
Luxemburgo, RTL, Luxemburgês
2024-07-11 04:25:57
3 Frae mat Fitschebou ermort RTL|Update: 10.07.2024 23:22 En Dënschdeg den Owend goufen 3 Fraen am nërdlechen Deel vu London liewensgeféierlech blesséiert virfonnt. Si waren Affer vu engem Gewaltverbrieche ginn. Bei de Fraen handelt et sech ëm d’Fra an déi zwee Duechtere vun engem BBC-Reporter John Hunt. Si goufe mat enger Armbrust (op Lëtzebuergesch Fitschebou) ëmbruecht. D’Police hat spéider d’Sich no engem 26 Joer ale Verdächtege lancéiert, den Ex-Kolleeg vun engem vun den Affer. E Mëttwoch den Owend konnt de Verdächtegen a presuméierten Täter gestallt ginn. Hie gouf op engem Kierfecht am Londoner Bezierk Enfield festgeholl a gouf beim Zougrëff verwonnt. Den Hunt war hat seng Famill en Dënschdeg den Owend entdeckt wéi hien Heem koum an huet direkt d’Police alarméiert. Fir seng Fra vun 61 Joer a seng Duechteren (25 an 28 Joer) sollt all Hëllef ze spéit kommen. D’Hannergrënn vun der Dot sinn nach onkloer. Source link
26531544bfba2a5cc95364c244376f09.jpeg
Luxemburgo, RTL, Luxemburgês
2024-07-10 20:43:11
Nodeems Spuenien et um Dënschdeg an d’Finall gepackt huet, spillen zanter 21 Auer Holland an England an der 2. Halleffinall géinteneen. An der Paus steet et tëscht béiden Ekippen den Ament 1:1 gläich. De Xavi Simons hat Holland schonn no 7 Minutte mat 1:0 a Féierung bruecht. Den englesche Superstar Harry Kane konnt op Eelefmeter hin ausgläichen. Et war eng intensiv éischt Hallschent an där béid Ekippen och nach eng Rei Chancen op den zweete Gol haten. Ënner anerem hunn den Dumfries an de Foden d’Lat getraff. Et bleift spannend, wien an der Finall géint Spuenien spillt. Holland – England 1:1 1:0 Xavi Simons (7′), 1:1 Kane (18′, Eelefmeter) Nodeems béid Ekippe virun der Halleffinall net ëmmer de beschte Futtball gewisen hunn, ass dëse Match mat vill Elan lass gaangen. No intensiven éischte Minutten huet de Xavi Simons no knapp 7 Minutten den 1:0 markéiert. Nodeems hien dem Rice de...
264617d1d4f923fcc9411b44b0894223.jpeg
Luxemburgo, RTL, Luxemburgês
2024-07-10 10:01:18
Och wann d’Vullegripp sech dem aktuelle Wëssensstand no net tëscht Mënschen iwwerdréit, sinn déi concernéiert Instanzen hei am Land alertéiert. Dat, well sech déi lescht Méint ëmmer méi Mamendéieren mam H5N1-Virus ugestach hunn, ënnert anerem Mëllechkéi an den USA. Hei am Land suivéieren d’Direktioun vun der Santé an d’Veterinärsverwaltung d’Situatioun ganz enk, obwuel et dëst Joer nach kee Fall vu Vullegripp bei Gefligel, wëlle Vullen oder Mamendéieren gouf. D’Vereenten Natiounen estiméieren de Risk vum H5N1-Virus fir d’mënschlech Gesondheet dann och als kleng bis moderéiert. D’zoustänneg Ministeschen Deprez an Hansen soe sech awer prett, fir de Fall dass de Vullegripp-Virus sech géif bei de Bestänn vu Mëllech-Véi an Europa ausbreeden. Duerfir géifen et aktiv a passiv Surveillance bei wëlle Vullen a Gefligel am Land ginn. E preventive Screening vun de Mëllechkéi-Bestänn a Lëtzebuerger Betriber ass bis ewell net virgesinn, well d’H5N1-Souche, déi an den USA zirkuléiert, bis ewell nach net konnt...
bf5a215535dbcfa00f770402c58222ce.jpeg
Luxemburgo, RTL, Luxemburgês
2024-07-09 23:42:45
Um Dënschdegowend stoung déi éischt Halleffinall vun der Europameeschterschaft 2024 tëscht Spuenien a Frankräich um Programm. Um Enn huet sech Spuenien mat 2:1 géint Frankräich behaapt. No enger spektakulärer éischter Hallschent mat 3 Goler, huet de de Filet am zweeten Duerchgang net méi gewackelt. Spuenien steet no 45 gudden offensive Minutten a 45 gudden defensive Minutte verdéngt an der Finall vun der Europameeschterschaft. De Kolo Muani hat seng Faarwen nach fréi a Féierung bruecht. D’Spuenier ware vum Géigegol an enger éischter Phas beandrockt, hu banne véier Minutten de Match awer gedréint. De Yamal hat mat engem wonnerschéinen Distanzschoss ausgeglach, kuerz drop konnt de Koundé e secke Schoss vum Olmo just nach an den eegene Gol deviéieren. No der Paus hat Frankräich eng Rei Chancen, e Gol sollt awer net méi falen, esou datt d’Ekipp vum Didier Deschamps d’Heemrees untriede muss. Um Mëttwochowend spillt Holland géint England an der zweeter Halleffinall....
Luxemburgo, RTL, Luxemburgês
2024-07-09 12:37:43
En Dënschdegowend ass um 21 Auer déi éischt Halleffinall vun der Futtball-Europameeschterschaft tëscht Spuenien a Frankräich. Spuenien a Frankräich stounge sech déi leschte Kéier an der Finall vun der Nations League am Joer 2021 géintiwwer. No engem Réckstand konnt Frankräich mat Goler vum Benzema an Mbappé d’Partie nach dréinen. 36 Mol hu béid Formatioune scho géintenee gespillt, Spuenien konnt 16 Mol gewannen, Frankräich 13 Mol. Zielt een all d’Goler zesummen, esou gëtt et eng Differenz vun 64:39 zu Gonschte vun de Spuenier. D’Partie um Dënschdegowend dierft ganz serréiert ginn. E klore Favorit gëtt et net. Béid Ekippen hu bis elo nach net hire beschte Futtball gewisen, waren awer ganz effikass an hire Matcher. An der Véierelsfinall huet sech Frankräich am Eelefmeterschéisse géint Portugal duerchgesat. Spuenien huet géint Däitschland an der Verlängerung duerch e Gol vum Mikel Merino an der 119. Minutt gewonnen. De Match gëtt um 21 Auer zu München ugepaff. Och den...
7f091efd6797b550c530589702834762.jpeg
Luxemburgo, RTL, Luxemburgês
2024-07-09 01:03:11
Um Knuedler stoungen e Méindeg d’Finanzen am Mëttelpunkt. Eng Partie Devisen hu musse guttgeheescht ginn. Sief et an engem 1. Vott, sief et well se wéinst Imprevuen um Chantier depasséiert goufen. Sou léisst d’Stad sech eng provisoresch Sportshal zu Dummeldeng 8 Millioune kaschten, bei engem spezielle Kaddo ginn 12 Milliounen dropgeluecht an de Gaasperecher Park gëtt carrement 4 Millioune méi deier wéi geduecht. Mam Gaasperecher Park kann all  Conseiller liewen, d’Leit kéinte sech hiert Gaasperech ouni Park guer net virstellen, soen déi Greng, déi sech awer froen, firwat een net éischter iwwer de Méi u Käschten informéiert gi wier. Domat klëmmt den Devis op ronn 20 Milliounen. Wat war dann elo do net virauszegesinn, gouf gefrot? Ma de Präis vum Baumaterial zum Beispill. Dat anert wieren eben Aarbechten, déi een net hätt kënne virausgesinn. De Schäffe Maurice Bauer nennt de Park um Ban de Gasperich eng Gréng Long vun der...
05533238d536b508ade93ab2c499fd6a.jpeg
Luxemburgo, RTL, Luxemburgês
2024-07-08 15:48:07
Déi 24 Joer jonk Lëtzebuergerin koum op den 100-Meter-Sprint mat enger Zäit vun 11,06 Sekonnen op déi 1. Plaz. D’Patrizia van der Weken war fir déi éischt Kéier bei engem Diamond-League-Meeting mat dobäi. Zu Paräis gouf d’COSL-Elite-Sportlerin mat engem Chrono vun 11 Sekonnen a 6 Honnertstel déi 1. an ass domadder nëmme 6 Honnertstel hannert hirem eegene Lëtzebuerger Rekord bliwwen. D’Lëtzebuergerin huet sech virum Gina Bass Bittaye aus Gambia (+11,09) an dem Ewa Swoboda aus Polen (+11,16) konnten duerchsetzen. D’Polin hat sech op der EM am Juni Sëlwer geséchert. D’Patrizia van der Weken koum do op déi 4. Plaz. “Ech sinn natierlech super zefridden. Domadder hat ech wierklech net gerechent. Ech war schonn immens frou, iwwerhaapt ee Couloir ze kréien an dann eeben a sou engem staarke Feld ze gewannen, ass natierlech super flott. […] Ech géing soen, et ass e bësse wéi eng Generalprouf. Also et ass net am nämmlechte...
plugins premium WordPress
Translate »