U plagos me plumb në kokë nga bashkëjetuesi, 44-vjeçarja ndërron jetë pas 6 ditësh në spitalin e Shkodrës
Ka ndërruar jetë në spialin e Shkodrës Anila Ndoka, e cila më 18 shkurt u qëllua me armë nga bashkëjetuesi i saj Kolë Manaj, 34 vjeç.
Lajmi konfirmohet nga media. Nëna e tre fëmijëve ka ndërruar jetë mëngjesin e kësaj të hëne në Spitalin e Shkodrës ku qëndronte prej 18 shkurtit.
Fakteqësisht 44-vjeçarja, pavarësisht përpjekjeve të mjekëve, nuk arriti t’i mbijetonte plagës në kokë.
Kolë Manaj dhe Anil Ndoka
Më 18 shkurt, 34-vjeçari Manaj, pasi qëlloi me plumb në kokë 44-vjeçaren, i dha fund jetës.
Ngjarja ndodhi rreth orës 11:15 në lagjen “Mark Lula”, brenda automjetit të Manaj, fare pranë vendit të punës së Anilës.
Mes çiftit kishte pasur një debat e më pas Kolë Manaj e ka qëlluar gruan me plumb në kokë dhe duke menduar se e ka lënë të vdekur, është vetëvrarë. Policia ka gjetur brenda automjetit armën e krimit tip pistoletë.
Çifti kishte 5 vite që bashkëjetonte, pasi më herët Anila Ndoka ishte ndarë nga bashkëshorti, nga martesa me të cilin kishte 3 fëmijë. Në rrjetet sociale marrëdhënia e tyre dukej e shëndoshë dhe pa asnjë problem.
Anila Ndoka ishte punonjëse sociale e qendrës komunitare nr 5, në Shkodër, ndërsa 34 vjeçari sipas dëshmive të banorëve të zonës, disa herë ka punuar me një kamionçinë në rrugën e Dukagjinit, por pa një punë fikse.
