Diasabra awo e artista Mosta Man ta culmina su tour den Rotterdam. E tour ta relata na su album cual lo sali fin di aña aki. E tour a cuminsa na Amsterdam y ta culmina na Rotterdam. Rotterdam ta special pa Mosta Man mirando el a crece den e ciudad, unda el bay scol tambe.
Brian Koolman di e oficina di 24ora.com-Hulanda, a combersa cu Mosta Man cu a conta cu e mentalidad actualmente ta diferente. E mentalidad ta riba positivismo y union entre e artistanan mes. E ta bogando p’esaki p’asina e promotornan mira cu e artistanan ta serio, nan ta yega na tempo y ta responsabel.
Manera indica, e ultimo show lo tuma luga diasabra awo den Sunrise Party Centrum na Rotterdam. Apart di Mosta Man, lo conta cu artistanan manera AKA CHABA, ISSAIRO, CLO y mucho mas. Mosta Man a indica cu su deseo ta pa presenta na Aruba. E tin un cantica dedica special pa Aruba, titula “Suave”, su video clip tambe e lo graba na Aruba mes.
E invitacion di su parti ta p’e yiunan di tera tanto di Aruba, Corsou y Boneiro cu ta biba na Hulanda presenta y sostene su ultimo show.