0
Durante dia 18 y 19 di October, Aruba a yena di energia vibrante durante Autentico Culinary Fetival 2025. E edishon di e aña aki tabata uno spesial pa motibu di e participashon entusiasma di 70 studiante di nan tercer aña di e programa STH y ITH di Colegio EPI – Unidad di Hospitality y Turismo.
Studiantenan a traha boluntario durante e dos dianan y haña un experensia practico.
Nan a duna bon bini na bishitante, guia, juda cu encuesta, maneha entretenimiento, y studiante di area culinario a duna un toque di nan experiensia na e logística, segurando cu tur hende tabata disfrutando y bon atendí.
E oportunidad di siña den bida real a bira posibel danki na colaborashon ku Aruba Tourism Authority, studiantenan tabata tin e oportunidad di por a traha lado a lado cu e representatenan.
E iniciativa aki tabata dirigi pa e duo dinamico di Darice Solognier y Maestra Zahaira Supriana-Kelly, cu a jega di traha riba varios projecto hunto den pasado. Tambe kier a gradisi Maestronan Mr Ruben Mannes y Anyocelina Rasmijn cu a juda coordina e studiantenan durante e 2 dianan.
“Nos ta super orgulloso di nos estudiante,” Supriana-Kelly a bisa. “Autentico a duna nan e oportunidad pa aplica nan habilidadnan den un situashon real, conectá ku profesionalnan, y contribuí den un evento di comunidad. Esaki ta e momentonan cu ta forma lidernan confiá y capasitá den hospitality.”
Colegio EPI ta gradisí tur partner y organizadó, y ta spera ku e colaborashon continua den e futuro edicion di Autentico.
