Gobierno dirpiente ta bin bisa cu tur cos ta bon y cu Aruba ta den bon direccion y mester di bo sosten den e proximo eleccion. E pisca ta muri pa su boca. No ta tur cos pueblo mester kere di e partidonan tradicional. Nos por corda e slogan “Futuro Briyante”. Pa pueblo no tabatin nada briyante. No ta tur cos cu ta briya ta oro. Loke si ta briya manera oro ta e 17 puntonan di Desaroyo Sostenibel, pero pueblo mester ta conciente cu esaki ta puro gañamento. E ta un agenda cu tin mas cu 50 aña bieu.
Ora nan bisa bo e enemigo ta sutil bo mester kere. A indoctrina mundo sutilmente y den e ultimo 9 añanan, nan ta pusha e agenda aki mundialmente p’asina na 2030 yega n’e gobierno global. E lobonan aki ta penetra den tur sistema p’asina nan logra nan meta. E cambionan den educacion y nos leynan ta hiba nos na implementacion di agenda 2030.
Nos gobiernonan for di 2001 te cu den 2024 no a keda atras. Ora bo mira e desaster financiero cu nos gobiernonan a hinca nos aden, anto nos por compronde cu e gobiernonan ta cumpli cu World Economic Forum cu ta bisa lo bo no tin nada y lo bo ta feliz. Gobierno ta cabando cu clase media y lo keda e riconan y e pobernan. Esaki ta e Sustainable Development Goals nos gobiernonan a firma p’e.
Si pueblo mira bon esaki tambe ta hinca den landspakket. Nos por a mira cu e ROPV (plan di desaroyo, smart city) tambe ta segun e Sustainable Development Goals. E cabuya ta rond di nek di nos tur y pocopoco gobierno ta hale cera sin cu pueblo ta paga tino. September ta e luna cu nos lo mira Parlamento y Bestuurskantoor dorna cu e 17 puntonan di Sustainable Development Goals. Partido AVP ta gaba cu su slogan “bon comun” cu ta mesun plan comunista di Sustainable Development Goals.
Locual cu minister di Labor, Energia y Integracion ta haci ta implementacion di e agenda aki p’asina tin mas stranhero cu yiu di terra den e area laboral. Segun por a compronde cu e minister tin mas di 11 mil permiso firma caba pa stranhero traha riba nos Isla. Esaki ta e meta pa destabilisa nos Isla y asina Aruba perde su identidad. Nos yiunan di te\rra lo no regresa na Isla pavia nan lo no haya trabao y no tin vivienda. Nos no ta contra di stranhero. Al contrario, nos tin hopi stranhero cu a contribui na adelanto di nos pais. Aruba a bira un mercado líber caminda stranhero ta cumpra cas y converti nan den AirBnb. Prijs di cas y tereno ta asina halto cu ta bira inpagabel pa yiu di tera.
Nos kier nos isla den man di stranhero of den man di nos yiunan di tera. Nos tin un lucha pa conserva nos cultura.
Awo diripiente nos por mira cu a entrega e presupuesto na tempo y tambe a entrega e jaarrekeningnan. Campaña ta den full swing. Asina aki e lobonan bisti na carne lo presenta nan programa di gobernacion pa pidi pueblo nan confiansa pa sigui goberna. Laga nos pidi Dios sabiduria y inteligencia pa nos por tuma nos miho decision. E decision aki ta hopi importante pa e añanan nos dilanti. E gobiernonan cu a firma e acuerdo di Sustainable Development Goals a cuminsa cay den otro y huicio di Dios lo baha riba nos gobernantenan. E sentencia por tarda pero lo yega sigur.
E Sustainable Development Goals ta contra di e bienestar di e famia institui pa Dios y ta contra di nos yiunan. Partido Curpa ta e unico alternativa.