Recientemente e representantenan di Universidad di Wageningen, Hulanda tabata na Aruba pa eherce un investigacion cu e meta pa inventarisa e risico pa desaroyo di malesa infecioso aki na Aruba y alabes pa evalua con prepara Aruba ta pa si bin un epidemia of pandemia como conscecuencia di esakinan. E investigacion aki ta basa riba cuater grupo di malesa infeccioso cual ta entre otro malesa transmiti por medio di awa of aire, transmiti pa bestia (zoönosis) y transmiti pa sangura (vector borne diseases).
Meta di e investigacion ta pa prepara esunnan cu ta traha riba maneho (beleid) y stimula cooperacion entre e stakeholdernan pa ta prepara riba eventual brote di malesa infeccioso cu por surgi riba nos isla. Ta eherce e investigacion aki conhuntamente cu Universidad di Aruba y e resultado di e investigacion aki lo mester bay conduci na desaroyo di un proyecto den Caribe riba e topico ‘con prepara e islanan Aruba, Boneiro y Corsou ta pa enfrenta un posibel Pandemia’.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na [email protected]
