Organisacion di Pensionadonan Publico Aruba (OPPA) ta disgusta cu Gobierno di Aruba. Ta sinti cu ta ignora nan como un organisacion importante di comunidad cu ta representa e grandinan cu a yega di traha cu gobierno. Ta yega na e conclusion aki, pasobra no ta sinta cu nan y no ta reacciona cu nan riba cartanan. Pero si ta reacciona publicamente. Un falta di respet total pa nan.
Tabata dia 27 di augustus ultimo cu OPPA a manda un carta pa Prome Minister Evelyn WQever-Croes riba e topico: Situacion preocupante bou di nos grandinan.
Den e carta ta splica e mandatario cu ta manda e carta aki pasobra e Adultonan Mayor ta confronta un situacion desesperante. “E trayecto di bida no a keda sin nan lucha, pero e lucha cu nan ta confronta awo ta un reto pa nan calidad di bida,” ta loke cu e presidente di e organisacion Ivo Valdes ta bisa den e carta.
Den e carta cu ta compaña e articulo por lesa tur nan preocupacionnan. Pero nan preocupacion grandi ta cu nan ta mira prome minister ta haci declaracion publico riba e tema, cu ta bay atende cu e preocupacionnan di OPPA, cu ta haci nan contento. Pero niun momento den pasado ni awo e mandatario ta haci intento pa sinta cu nan na mesa.
E actitud di ignora OPPA ta un falta di respet pa nan y cu nan ta spera lo bini cambio den dje.