༉ བསམ་རང་གིས་ སྐྱེ་ལྡན་གནས་སྟངས་ལྟ་བཤལ་ལྟེ་བ་ཅིག་སྦེ་ བཟོ་ནིའི་དམིགས་གཏད་ཡོད་རུང་ གཞུང་གི་རྒྱབ་སྐྱོར་ལུ་ རག་ལས་ནི་ཨིན་པས།བསམ་རང་ལུ་ སྐྱེ་ལྡན་རིགས་སྣ་དང་ ས་ཆའི་དབྱིབས་ལས་འབད་རུང་ ལེགས་ཤོམ་ཡོདཔ་མ་ཚད་ རང་བཞིན་གནས་སྟངས་ཉམས་སྲུང་འབད་ནི་དང་ མི་སྡེ་དཔལ་འབྱོར་གོང་འཕེལ་གཏང་ནིའི་ འོས་འབབ་སྦོམ་ཡོདཔ་ཨིན་པས།རྒེད་འོག་གིས་ འགོ་འདྲེན་འཐབ་མི་ སྐྱེ་ལྡན་གནས་སྟངས་ལྟ་བཤལ་ནང་ བྱ་རིགས་བལྟ་ནི་དང་ མཚོ་ལྟ་སྐོར་ དེ་ལས་ ནུབ་མོ་སྒར་བཅགས་སྡོད་ནིའི་ ལས་རིམ་ཚུ་ཡོདཔ་བཞིན་དུ་ ཡུན་བརྟན་དང་ མི་སྡེའི་གྲལ་གཏོགས་ཚུ་ སྒྲིང་སྒྲི་ཡོདཔ་ཨིན་པས།བསམ་རང་རྒཔོ་ འཇིགས་མེད་སེངྒེ་འབྲུག་པ་གིས་ སླབ་མིའི་ནང་ ལུང་ཕྱོགས་ནང་ རང་བཞིན་གནས་སྟངས་ཡང་ མཛེས་ལྡན་སྦེ་ཡོད་པའི་ཁར་ སྐྱེ་ལྡན་རིགས་སྣ་ཚུ་ ལེགས་ཤོམ་ཡོདཔ་ལས་ སྐྱེ་ལྡན་གནས་སྟངས་ལྟ་བཤལ་ལྟེ་བ་ཅིག་བཟོ་ནི་ལུ་ འོས་འབབ་སྦོམ་ཡོད་ཟེར་ཨིན་པས།ཁོ་གིས་འབད་བ་ཅིན་ ལས་རིམ་གྱི་ དམིགས་ཡུལ་དེ་ཡང་ ལྟ་བཤལཔ་ཚུ་ ས་གནས་ནང་ འོང་ནི་ལུ་ སེམས་ཤུགས་བྱིན་ཏེ་ དམིགས་བསལ་དུ་ ཡུན་བརྟན་གྱི་ ལཱ་གཡོག་ཐོག་ལས་ མི་སྡེའི་ན་གཞོན་ཚུ་ལུ་ དབང་ཆ་བྱིན་ནི་དེ་ ཨིན་ཟེར་ཨིན་པས།ན་གཞོན་ཚུ་ལུ་ དགོས་མཁོ་ཅན་གྱི་ རིག་རྩལ་བྱིན་ཏེ་ ཤེས་རིག་གོང་འཕེལ་དང་ རང་ལུགས་ཀྱི་ ལམ་སྲོལ་ཚུ་ ཉམས་སྲུང་དང་ མ་འོངས་མི་རབས་ཀྱི་དོན་ལུ་ རང་བཞིན་གནས་སྟངས་ ཉེན་སྲུང་འབད་ནི་ལུ་ཡང་ དམིགས་གཏད་བསྐྱེད་དེ་ཡོད་ཟེར་ རྒཔོ་གིས་ བཤདཔ་ཨིན་པས།གལ་སྲིད་ ལས་འགུལ་དེ་ མཐར་འཁྱོལ་འབྱུང་པ་ཅིན་ མི་སྡེའི་ན་གཞོན་ཚུ་གི་དོན་ལུ་ ལམ་སྟོན་པ་དང་ སྡོད་གནས་ དེ་ལས་ རྒྱུན་སྐྱོདང་འབྲེལ་བའི་ ལཱ་གཡོག་གི་ གོ་སྐབས་ལེ་ཤ་བཟོ་ཚུགས་ནི་ཨིན་པས།དེ་མ་ཚད་ ཚོང་འབྲེལ་པ་ཚུ་ལུ་ བཟའ་འཐུང་བཀྲམ་སྤེལ་དང་ སྐྱེལ་འདྲེན་ཞབས་ཏོག་ལུ་ རྒྱབ་སྐྱོར་འབད་ཐོག་ལས་ མི་སྡེ་དཔལ་འབྱོར་གོང་འཕེལ་ཡང་ གཏང་ཚུགས་པའི་རེ་བ་ཡོདཔ་ཨིན་པས།འཇིགས་མེད་སེངྒེ་འབྲུག་པ་གིས་ སླབ་མིའི་ནང་ ལས་རིམ་དེ་ འབྲུག་ལྟ་བཤལ་ལས་ཁུངས་ལུ་ གྲོས་འཆར་བཙུགས་ཏེ་ཡོདཔ་ད་ ལས་འགུལ་དེ་ ན་གཞོན་ལཱ་གཡོག་ མ་ཐོབ་མི་ཚུ་དོན་ལུ་ མཁོ་ཆེ་བའི་ ལས་རིམ་ཅིག་ཨིན་ཟེར་ཨིན་པས།ཁོ་གིས་འབད་བ་ཅིན་ རྒེད་འོག་ནང་ སློབ་རིམ་༨ དང་༡༠ པ་ དེ་ལས་ སློབ་རིམ་༡༢ པ་ མཐར་འཁྱོལ་མི་ ན་གཞོན་མང་ཤོས་ཅིག་ ལཱ་གཡོག་མེད་པར་ དེ་སྦེ་ར་ཡོད་ཟེར་ཨིན་པས།སྐྱེ་ལྡན་གནས་སྟངས་ལྟ་བཤལ་གྱིས་ རང་བཞིན་གནས་སྟངས་ཡུན་བརྟན་དང་ སྐྱེ་ལྡན་གནས་སྟངས་ལྟ་བཤལ་དང་མཐུན་པའི་ གཞི་རྟེན་མཐུན་རྐྱེན་ དེ་ལས་ རི་དྭགས་སེམས་ཅན་ཚུ་ལུ་ ངོས་ལེན་འབད་བའི་ ལས་སྣ་ཚུ་ལུ་ གཙོ་རམ་བཟུང་སྟེ་ ཡོདཔ་ཨིན་པས།པི་ཐེ་མཱན་ རའེ་གིས་ རྒེད་འོག་དེ་ འབྲུག་དང་ རྒྱ་གར་གྱི་ ས་མཚམས་གུ་ཡོདཔ་ལས་ ལུང་ཕྱོགས་ཀྱི་ ལྟ་བཤལཔ་ཚུ་ ལྟ་བཤལ་འོང་ནི་ འོས་འབབ་སྦོམ་ཡོདཔ་ད་ གལ་སྲིད་ ལྟ་བཤལཔ་ཚུ་གི་དོན་ལུ་ ས་མཚམས་སྒོ་ར་ ཕྱེ་པ་ཅིན་ རྒེད་འོག་ལུ་ ཁེ་ཕན་སྦོམ་སྦེ་ར་ ཐོབ་ཚུགས་ཟེར་ ཁོ་གིས་ བཤདཔ་ཨིན་པས།ཁོ་གིས་འབད་བ་ཅིན་ གོ་ཧ་ཊི་ཡང་ ཉེ་འདབས་ལུ་ཡོདཔ་ལས་ ཚོང་འབྲེལ་གྱིས་ དྲུང་ཁག་དང་ རྒེད་འོག་༢ ཆ་ར་ལུ་ ཕན་ཐོགས་འབྱུང་ནི་མས་ཟེར་ཨིན་པས།ས་གནས་ཀྱི་མི་སེར་ གང་ག་སིང་ཆེ་ཏི་རི་གིས་ སླབ་མིའི་ནང་ གལ་སྲིད་ བསམ་རང་ལུ་ གནམ་གྲུ་ཐང་ཅིག་ གཞི་བཙུགས་འབད་བ་ཅིན་ ཁེ་ཕན་རྐྱངམ་གཅིག་མེན་པར་ ལྟ་བཤལཔ་ཚུ་ གནམ་གྲུ་ནང་འོང་སྟེ་ ཤར་ཕྱོགས་རྫོང་ཁག་གི་ མི་སེར་ཚུ་ལུ་ཡང་ ཁེ་ཕན་འབྱུང་ནི་མས་ཟེར་ཨིན་པས།རྒེད་འོག་གིས་ རང་བཞིན་གནས་སྟངས་དབྱེ་ཞིབ་དང་ གཞི་རྟེན་མཐུན་རྐྱེན་རྐྱབ་ནི་ དེ་ལས་ མི་སྡེ་འབྲེལ་འཛིན་དང་ ཚོང་ལམ་གྱི་དོན་ལུ་ དངུལ་ཀྲམ་ས་ཡ་༡༧.༧ གྲོས་འཆར་བཙུགས་ཏེ་ ཡོདཔ་ཨིན་པས།རྒཔོ་གིས་ སླབ་མིའི་ནང་ ལས་འགུལ་དེ་ ཡུན་བརྟན་དང་ མཐར་འཁྱོལ་འབྱུང་ནིའི་དོན་ལུ་ འཆར་གཞི་ཡང་ ལེགས་ཤོམ་འབད་དེ་ཡོདཔ་ད་...

༉ འདས་པའི་ལོ་༥ འི་ནང་འཁོད་ལུ་ ཨམ་སྲུའི་ཆ་བཞག་དང་ལྕོགས་གྲུབ་ཡར་སྐྱེད་ལས་སྡེ་གིས་ གནད་དོན་༢,༥༣༦ ཐོ་བཀོད་འབད་ཡོདཔ་ཨིན་པས།དེ་ཡང་ འདོད་སྤྱོད་དང་ སེམས་ཚོར་དྲག་པོ་ དཔལ་འབྱོར་ལོག་སྤྱོད་ ནང་འཁོད་རྩུབ་སྤྱོད་ དེ་ལས་ ཕོ་མོའི་རྩུབ་སྤྱོད་དང་འབྲེལ་བའི་ གནད་དོན་ཚུ་ཨིན་པས།གནད་དོན་༤༠ ནག་ཚོང་ནང་གྲལ་གཏོགས་དང་ གནད་དོན་༧ དོ་དམ་ནང་ ཨ་ལུ་བཞག་མི་ཚུ་ཨིན་པས།ལོ་དེ་ཚུ་ནང་ སེམས་ཚོར་དྲག་པོ་༡,༡༠༥ ཐོན་མི་དེ་ གནད་དོན་མཐོ་ཤོས་ཅིག་ཨིནམ་ད་ དེ་གི་འོག་ལས་ར་ ལོག་སྤྱོད་དང་འབྲེལ་བའི་གནད་དོན་༤༤༠ དཔལ་འབྱོར་ལོག་སྤྱོད་༢༩༥ དེ་ལས་ འདོད་སྤྱོད་ཀྱི་ གནད་དོན་༧༨ ཡོདཔ་ཨིན་པས།ཨམ་སྲུའི་ཆ་བཞག་དང་ལྕོགས་གྲུབ་ཡར་སྐྱེད་ལས་སྡེའི་ བསླབ་སྟོན་པ་གོངམ་ བསོད་ནམས་བཟང་མོ་གིས་ སླབ་མིའི་ནང་ སེམས་ཚོར་དྲག་པོའི་གནད་དོན་ནང་ དངོས་བསྟར་མིན་པའི་བྱ་སྤྱོད་ བང་བཙོང་དང་ སྡུག་སྦྱོང་ ལོག་སྤྱོད་ དེ་ལས་ ངག་ཐོག་ལོག་སྤྱོད་དང་ དཔལ་འབྱོར་ལོག་སྤྱོད་ནང་ མཉམ་རོགས་ཚུ་ ཏི་རུ་ཐོབ་སྤྱོད་མེད་མི་ཚུ་ ཚུད་དོ་ཡོདཔ་ཨིན་པས།ཨམ་སྲུའི་ཆ་བཞག་དང་ལྕོགས་གྲུབ་ཡར་སྐྱེད་ལས་སྡེ་གིས་ སྤྱི་ལོ་༢༠༢༣ ལུ་ ལོག་སྤྱོད་དང་ རྩུབ་སྤྱོད་གནད་དོན་༧༨༨ ཐོ་བཀོད་འབད་མི་དེ་ འདས་པའི་ལོ་༥ འི་ནང་འཁོད་ལུ་ མཐོ་ཤོས་ཅིག་ཨིན་པས།དངོས་བསྟར་ལོག་སྤྱོད་དེ་ སྤྱི་ལོ་༢༠༢༣ ལུ་ གནད་དོན་༡༣༢ ལས་ སྤྱི་ལོ་༢༠༢༤ ལུ་ གནད་དོན་༡༠༢ ལུ་ མར་བབས་སོང་ཡོད་རུང་ སྤྱི་ལོ་༢༠༢༠ ལུ་ འདོད་སྤྱོད་དང་འབྲེལ་བའི་ ལོག་སྤྱོད་ཀྱི་གནད་དོན་༣ ལས་ སྤྱི་ལོ་༢༠༢༤ ལུ་ གནད་དོན་༣༦ ལུ་ ཡར་འཕར་སོང་ཡོདཔ་ཨིན་པས།དེ་བཟུམ་སྦེ་ སེམས་ཚོར་དྲག་པོའི་གནད་དོན་དེ་ སྤྱི་ལོ་༢༠༢༠ ལུ་༡༤༧ ཐོ་བཀོད་འབད་མི་ལས་ སྤྱི་ལོ་༢༠༢༤ ལུ་༣༩༢ ལུ་ ཡར་སེང་སོང་ཡོདཔ་ད་ དཔལ་འབྱོར་དང་འབྲེལ་བའི་རྩུབ་སྤྱོད་གནད་དོན་དེ་ སྤྱི་ལོ་༢༠༢༡ ལུ་ གནད་དོན་༡༤༦ ལས་ སྤྱི་ལོ་༢༠༢༤ ལུ་༥༣ ལུ་ མར་བབས་སོང་ཡོདཔ་ཨིན་པས།སྤྱི་ལོ་༢༠༢༣ ལུ་ ནང་འཁོད་རྩུབ་སྤྱོད་མེད་མི་དང་ ཕོ་མོའི་རྩུབ་སྤྱོད་ གནད་དོན་༢༡༦ ཐོན་ཡོདཔ་ཨིན་པས།རྒྱལ་ཡོངས་གསོ་བའི་བརྟག་ཞིབ་སྙན་ཞུ་༢༠༢༣ ཅན་མ་དང་འཁྲིལ་བ་ཅིན་ ཨམ་སྲུ་ལོ་ཚད་༥༥-༥༩ འི་བར་ན་འབད་མི་ བརྒྱ་ཆ་༤༥.༥ དང་ སྐྱེས་ལོ་༦༠-༦༤ འབད་མི་ ཨམ་སྲུ་བརྒྱ་ཆ་༤༦.༨ དེ་ཅིག་ལུ་ རྩུབ་སྤྱོད་འབད་ཡོདཔ་སྦེ་ བཀོད་དེ་ཡོདཔ་ཨིན་པས།ཁྲོམ་སྡེ་དང་ཕྱདཔ་ད་ གྲོང་གསེབ་ནང་ཡོད་པའི་ ཨམ་སྲུ་ཚུ་ལུ་ རྩུབ་སྤྱོད་འབད་མི་ མཐོ་ཤོས་ཡོདཔ་བཞིན་དུ་ ཁྲོམ་སྡེའི་ནང་ བརྒྱ་ཆ་༤༠.༥ དང་ གྲོང་གསེབ་ནང་ བརྒྱ་ཆ་༥༤.༩ ཡོདཔ་ཨིན་པས།ཤེས་ཡོན་གྱི་ ཁྱད་པར་བཟོ་དོ་ཡོདཔ་ད་ གཞི་རྟེན་ཤེས་ཡོན་མེད་མི་ ཨམ་སྲུ་བརྒྱ་ཆ་༤༧.༧ ལུ་ རྩུབ་སྤྱོད་འབད་ཡོདཔ་ད་ གཙུག་ལག་གཞི་རིམ་ཤེས་ཡོན་ཡོད་མི་ཚུ་ བརྒྱ་ཆ་༣༢.༨ ཡོདཔ་ཨིན་པས།རྩུབ་སྤྱོད་དམའ་ཤོས་ ཌིབ་ལོ་མ་དང་ ཡང་ཅིན་ ལག་ཁྱེར་ཡོད་མི་ ཨམ་སྲུ་བརྒྱ་ཆ་༢༡.༤ ཡོདཔ་ཨིན་པས།ཞིབ་འཚོལ་ནང་ འོང་འབབ་དམའ་ཤོས་འབད་མི་ ཨམ་སྲུ་ཚུ་གིས་ རྩུབ་སྤྱོད་ལུ་ ངོས་ལེན་འབད་ནི་གི་ འོས་འབབ་ཡོདཔ་སྦེ་ མཐོང་ཡོདཔ་ཨིན་པས།སྤྱི་ལོ་༢༠༢༤ ལུ་ ཨམ་སྲུའི་ཆ་བཞག་དང་ལྕོགས་གྲུབ་ཡར་སྐྱེད་ལས་སྡེ་ནང་འོང་སྟེ་ སྙན་ཞུ་འབད་མི་༡༣ ཐོ་བཀོད་འབད་མི་ལས་ མཚན་མ་གཅིག་འབྲེལ་དང་ མཚན་མ་གཅིག་དགའ་ ཕོ་མེན་མོ་མེན་ ཕོ་སྐྱེས་ཀྱིས་བུམོ་བཟོ་མི་ དེ་ལས་ མ་འདྲཝ་(ཨེལ་ཇི་བི་ཊི་ཀིའུ་-པ་ལཱསི་)གི་ མི་སྡེའི་འཐུས་མི་༣ དང་ དབང་པོ་སྐྱོན་ཅན་༡༠ ཡོདཔ་ཨིན་པས།དེ་ཡང་ ལོ་༥ འི་རིང་ ཨམ་སྲུའི་ཆ་བཞག་དང་ལྕོགས་གྲུབ་ཡར་སྐྱེད་ལས་སྡེ་གིས་ མི་ངོ་མ་འདྲཝ་ཚུ་ལས་ གནད་དོན་ཐོ་བཀོད་འབད་མི་དེ་ འགོ་དང་པ་ཨིན་པའི་གནས་ཚུལ།...

སྐད་ཡིག་དང་ ལམ་སྲོལ། Source link

གཟའ་སྐར། Source link

KP Sharma      The government’s endorsement of the National Education Policy 2024, which had remained in draft form for several years, has not resolved concerns about the politicisation of the education sector. Educationists believe that the policy alone cannot protect the sector from political influence, pushing for the need for an Act. Initially, many thought the education policy would address the existing challenges and obstacles within the sector. However, critics argue that the government’s control over the policy undermines its effectiveness, equating its impact to not having a policy at all. The formulation of an education Act through multi-sectoral participation and consultation was a critical component of the Education Blueprint 2014–2024. However, this initiative ended without achieving its target, leaving a gap in the framework needed for comprehensive educational reforms. During the first session of the fourth Parliament, the National Assembly deferred discussions on the Education Bill due to...

…to surge by 43 percent in FY 2025-26 Thukten Zangpo  The country’s debt is estimated to surge by 12 percent to finance the fiscal gap and hydropower loans in this fiscal year 2024-25, the finance ministry has estimated. In absolute figures, the debt is estimated debt at Nu 319.07 billion compared with the previous fiscal year’s debt of Nu 285.18 billion. In terms of the debt to gross domestic product (GDP) ratio, it is expected to slightly decrease to 105.9 percent of GDP from 107.5 percent from the previous fiscal year. The ministry stated that the anticipated increase in the national debt is mainly attributed to expected loan disbursement from the World Bank and Asian Development Bank for small hydropower projects scheduled to be started in this fiscal year. In the fiscal year 2024-25, there will be an increase of Nu 8.78 billion in domestic debt to Nu 30.26 billion...

༉ ཨཱསི་ཊེ་ལི་ཡ་ པརཐི་ལུ་སྡོད་མི་ འབྲུག་མི་ཚུ་གིས་ སྤྱི་ལོ་༢༠༢༢ ལུ་ ཊའི་གར་ཡུ་ནའི་ཊེག་རྐང་རྩེད་ཚོགས་པ་(ཊའི་གར་ཨེཕ་སི་) གཞི་བཙུགས་འབད་དེ་ རྐང་རྩེད་རྐྱངམ་གཅིག་མེན་པར་ དགོས་མཁོ་ཅན་ཚུ་ལུ་ གྲོགས་རམ་ལས་སྣ་ཚུ་ཡང་ འབད་དོ་ཡོདཔ་ཨིན་པས། ཚོགས་པ་དེ་ འབྲུག་ལུ་ རྒས་ཤོས་ཚོགས་པ་དང་ ལོ་༥ འི་མཉམ་འབྲེལ་འབད་དེ་ཡོདཔ་བཞིན་དུ་ སྙིང་རྗེ་ཅན་ཚུ་ལུ་ གསང་སྤྱོད་ཀྱི་དོན་ལུ་ གྲོགས་རམ་ཞལ་འདེབས་ཅིག་ཡང་ འགོ་འདྲེན་འཐབ་ཡོདཔ་ཨིན་པས། ཚོགས་པ་གིས་ ལས་རིམ་དེ་ལུ་ དབང་པོ་སྐྱོན་ཅན་ཚུ་ལུ་ ཉལ་ཁྲི་ཟུར་བཞག་ནི་ གསང་སྤྱོད་མཁོ་སྒྲུབ་འབད་ནིའི་དོན་ལུ་ དངུལ་ཀྲམ་༢༤༠,༤༣༠ གྲོགས་རམ་འབད་བའི་ཁར་ ད་རུང་ དངུལ་ཀྲམ་༡༤༧,༥༠༠ ཡང་ གྲོགས་རམ་འབད་ཡོདཔ་ཨིན་པས། ཊའི་གར་ཨེཕ་སི་གི་གཙོ་འཛིན་ སངས་རྒྱས་འཕྲིན་ལས་ཀྱིས་ སླབ་མིའི་ནང་ འབྲུག་རྒས་ཤོས་ཚོགས་པ་དང་ གན་ཡིག་ཡར་སེང་འབད་ནིའི་ འཆར་གཞི་ཡོད་ཟེར་ཨིནམ་ད་ ཚོགས་པ་དེ་ འབྲུག་མི་ཚུ་གི་ མི་སྡེའི་དམིགས་ཡུལ་གྲུབ་ཐབས་ལུ་ གཞི་བཙུགས་འབད་ཡོདཔ་ཨིན་པས། ད་རེས་ ཚོགས་པའི་ནང་ འཛིན་སྐྱོང་པ་དང་ གཙོ་འཛིན་ བཀོད་ཚོགས་འཐུས་མི་༤ བདག་སྐྱོང་ལས་བྱེདཔ་ རྩིས་འཛིན་པ་ བརྡ་བརྒྱུདཔ་ དེ་ལས་ གསོ་བའི་འགོ་དཔོན་བརྩིས་ཏེ་ རྩེད་འགྲན་པ་༢༨ ཡོདཔ་ཨིན་པས། ཚོགས་པ་དེ་ པརཐི་ལུ་སྡོད་མི་ འབྲུག་མི་ཚུ་དང་ ཚོང་འབྲེལ་པ་མཉམ་རོགས་ཚུ་གིས་ འཛིན་སྐྱོང་འཐབ་དོ་ཡོདཔ་ཨིན་པས། ཊའི་གར་ཨེཕ་སི་གིས་ འབྲུག་མི་ཚུ་ ཨཱསི་ཊེ་ལི་ཡ་ལུ་ འོང་མི་ཚུ་ལུ་ ལཱ་གཡོག་འཚོལ་ཞིབ་འབད་ནི་ལུ་ ཆ་རོགས་འབད་དོ་ཡོདཔ་ད་ ཚོགས་པ་ལས་ རྒྱབ་སྐྱོར་ཐོག་ལས་ ད་ལྟོ་ཚུན་ཚོད་ འབྲུག་མི་༤༦ ལུ་ བཟོ་གྲྭ་ཁང་ཁག་ལས་ཕར་ ལཱ་གཡོག་འཚོལ་བྱིན་ཡོདཔ་ཨིན་པས། རྩེད་འགྲན་པ་ཚུ་ལུ་ འགན་ལེན་ཅན་གྱི་ ལཱ་དང་ ཉེན་བཅོལ་ དེ་ལས་ ཞབས་ཏོག་གཞན་ཚུ་གི་ རྒྱབ་སྐྱོར་ཡང་ འབད་དོ་ཡོདཔ་ཨིན་པས། སངས་རྒྱས་འཕྲིན་ལས་ཀྱིས་ སླབ་མིའི་ནང་ འཛམ་གླིང་ཨེ་བ་རསི་ཤེས་ཡོན་དང་ མཉམ་འབྲེལ་ཐོག་ལས་ སློབ་ཕྲུག་ཚུ་ལུ་ རིན་མེད་སྟོང་པའི་ གྲོས་བསྟུན་ཞབས་ཏོག་ཚུ་ བྱིན་དོ་ཡོདཔ་མ་ཚད་ སྐྱོན་ཐམ་དང་འབྲེལ་བའི་ ཞབས་ཏོག་ཚུ་ཡང་ བྱིན་དོ་ཟེར་ཨིན་པས། ཁོ་གིས་འབད་བ་ཅིན་ ཚོགས་པ་གིས་ འབྲུག་པའི་སློབ་གྲྭ་དང་ གྲྭ་ཚང་ཚུ་ལུ་ རྐང་འཁོར་དང་ རྒྱང་མཐོང་ཆ་ཚང་ གོ་ལ་འཁྱུ་ནིའི་འཕྲུལ་ཆས་ཚུ་ གྲོགས་རམ་འབད་ཡི་ཟེར་ཨིན་པས། སངས་རྒྱས་འཕྲིན་ལས་ཀྱིས་ སླབ་མིའི་ནང་ ཚོགས་པ་གིས་ མཆོག་འགྱུར་དང་ ཚུལ་ལྡན་རྩེད་སྤྱོད་ དེ་ལས་ མི་སྡེ་འབྲེལ་འཛིན་གྱི་དོན་ལུ་ པི་རི་མེ་ཡར་ཕུཊ་བཱོལ་སྡེ་ཚན་ཅིག་ཡང་ གཞི་བཙུགས་འབད་ནི་ འཆར་གཞི་ཡོད་ཟེར་ཨིན་པས། ཊའི་གར་ཨེཕ་སི་གིས་ པརཐི་ལུ་ རྩེད་འགྲན་ཚུ་ འགོ་འདྲེན་འཐབ་དོ་ཡོདཔ་བཞིན་དུ་ འབྲུག་མི་སྡེ་ཚན་༣༠ གིས་ བཅའ་མར་གཏོགས་ཡོདཔ་ཨིན་པས། འདས་པའི་ཟླཝ་ནང་ ཚོགས་པ་གིས་ ཊའི་གར་ཡུ་ནེ་ཊེཊ་ཨེཕ་སི་ཌི་སི་བར་འགྲེམས་སྟོན་༢༠༢༤ ཅན་མ་ཅིག་ཡང་ འགོ་འདྲེན་འཐབ་ཡོདཔ་ཨིན་པས། སངས་རྒྱས་འཕྲིན་ལས་ཀྱིས་ སླབ་མིའི་ནང་ ཊའི་གར་ཨེཕ་སི་དེ་ གཞན་དང་ཕྱདཔ་ད་ མ་འདྲཝ་ཅིག་ཡོད་མི་དེ་ཡང་ ཞལ་འདེབས་འབད་མི་ མཉམ་འབྲེལ་པ་ལེ་ཤ་ཡོད་མི་ལུ་བརྟེན་ཨིན་པས། ཨིན་རུང་ ཁོ་གིས་འབད་བ་ཅིན་ དངུལ་འབྲེལ་དང་འབྲེལ་བའི་ སྟབས་མ་བདེཝ་ལུ་བརྟེན་ དཀའ་ངལ་བྱུང་དོ་ཡོད་ཡོདཔ་ད་ རྩེད་འགྲན་པ་གནོདཔ་བཏོན་ནི་ ཉེན་ཁ་དང་ རྩེད་འགྲན་པ་ཚུ་གི་ སེམས་ཤུགས་རྒྱུན་སྐྱོང་འཐབ་ནི་ལུ་ཡང་ གདོང་ལེན་བྱུངམ་མས་ཟེར་ཨིན་པས། སངས་རྒྱས་འཕྲིན་ལས་ཀྱིས་ སླབ་མིའི་ནང་ སྡེ་ཚན་གྱིས་ རྩེད་འགྲན་པ་ཚུ་ རྩེད་རིགས་ལུ་ སེམས་ཤུགས་བྱིན་ནི་ བརྩོན་ཤུགས་བསྐྱེད་དོ་ཡོདཔ་ད་ རྩེད་འགྲན་པ་ཚུ་ ཤེས་ཡོན་དང་ ལཱ་ལ་འབད་མི་ལུ་བརྟེན་ འུ་སྡུག་པའི་ཁར་ གནམ་གཤིས་གིས་ཡང་...

༉ ཁ་ཙ་ མི་དབང་མངའ་བདག་རིན་པོ་ཆེ་མཆོག་གིས་ ཐིམ་ཕུག་བཀྲིས་ཆོས་རྫོང་ནང་སྦེ་ འགོ་ཐོག་ཨིན་མི་ འབྲུག་རྒྱལ་ཡོངས་དགའ་སྐྱིད་དཔལ་འཛོམས་རྟགས་མ་དེ་ ལའུ་རེནསི་ པོ་ཝེལ་ ཇོབསི་ལུ་ གནང་ཡོདཔ་བཞིན་དུ་ ཁྱད་འཕགས་ཅན་གྱི་ གཟེངས་བསྟོད་རྟགས་མ་དེ་ འགོ་དང་པ་ མོ་གིས་ཐོབ་ཡོདཔ་ད་ དེ་ཡང་ མོ་གིས་ མི་སྡེ་ཡར་དྲག་གཏང་ནི་ལུ་ དམིགས་བསལ་གྱི་ ཕན་འདེབས་འབད་བའི་ ངོས་འཛིན་ལུ་ཨིན་པས།མོ་གིས་ ལས་དོན་ཁག་ཚུ་ནང་ གཞི་སྒྱུར་གྱི་ལཱ་འབད་མི་ཚུ་ འབྲུག་གི་ རྒྱལ་ཡོངས་དགའ་སྐྱིད་དཔལ་འཛོམས་ཀྱི་ལྟ་བ་ ཡུན་བརྟན་གོང་འཕེལ་དང་ ལམ་སྲོལ་ཉམས་སྲུང་ མཐའ་འཁོར་ཉམས་སྲུང་ དེ་ལས་ གཞུང་སྐྱོང་ལེགས་ལྡན་ཚུ་དང་རྟགས་མཐུནམ་སྦེ་ཡོདཔ་ཨིན་པས།གཟེངས་བསྟོད་རྟགས་མ་དེ་ འབྲུག་གི་ཁ་ཐུག་ལས་ འཛམ་གླིང་ནང་ འགྲོ་བ་མིའི་ཕན་བདེ་དང་གོང་འཕེལ་གྱི་དོན་ལུ་ བརྩོན་ཤུགས་སྦོམ་བསྐྱེད་དེ་ ལཱ་འབད་མི་ཚུ་ལུ་ དགའ་ཚོར་བསམ་ནི་དང་ རྒྱབ་སྐྱོར་འབད་བའི་བརྡ་མཚོན་ཅིག་ཡང་ཨིན་པས།ལའུ་རེནསི་ པོ་ཝེལ་ ཇོབསི་གིས་ འགྲོ་བ་མི་ལུ་བྱུང་མི་ སྟབས་མ་བདེཝ་སྦོམ་ཤོས་ཚུ་ བསལ་ནིའི་ཐབས་ལམ་འགྲིག་ཚུགས་དོ་ཡོདཔ་ད་ མོ་གི་ལཱ་ཚུ་ལུ་བརྟེན་ ཤེས་རིག་ནང་ ལམ་ཕྱོགས་གསརཔ་ཚུ་ སྟོན་ཡོདཔ་མ་ཚད་ གནམ་གཤིས་དང་འབྲེལ་བའི་དཀའ་ངལ་ཚུ་ སེལ་ཐབས་འབད་ནི་ལུ་ རྒྱབ་སྐྱོར་འབད་ཡོདཔ་ཨིན་པས།མོ་གི་ལཱ་ཤུལ་ཚུ་ ངོས་འཛིན་འབད་དེ་ སྤྱི་ལོ་༢༠༢༣ གྱི་ ཊ་ཡེམ་གྱི་ ཧཱན་ཌེཌ་མཱོསི་ ཨིན་ཕུ་ལུ་ཡེན་ཤེལ་ པི་པཱོལ་ཟེར་ དབང་སྐུལ་ཅན་གྱི་མི་༡༠༠ འི་གྲས་ལས་༡ ཨིནམ་སྦེ་ མིང་གཏམ་ཐོབ་ཡོདཔ་ཨིན་པས།མོ་གིས་ འབྲུག་ལུ་ འགོ་དང་པ་འོངམ་དང་འབྲེལ་ དགེ་ལེགས་ཕུག་དྲན་ཤེས་ཁྲོམ་ནང་ ལྟ་སྐོར་འབད་ནི་ཨིན་པའི་གནས་ཚུལ། བཙན་སྐྱོགས་དབང་འདུས། Source link

༉ ན་གཞོན་ཚུ་ལུ་ མི་སྡེ་ཚོང་འབྲེལ་གསར་པའི་གནད་དོན་ཐོག་ འབྲུག་ན་གཞོན་གོང་འཕེལ་མ་དངུལ་གྱིས་ ཨེ་བི་ཨི་གོ་ལོ་བཱལ་དང་ མཉམ་འབྲེལ་ཅན་གྱི་ འབྲུག་ཨ་ལུ་གསར་བཏོད་ཤེས་ཡོན་གྱི་ བརྗོད་དོན་ལུ་ རྒྱལ་སྤྱིའི་ཀིཌསི་ཨེམ་བི་ཨེ་ཚོང་ལས་ཟེར་མི་ འགོ་འབྱེད་འབད་ཡོདཔ་ད་ ལས་རིམ་དེ་ མི་དབང་རྒྱལ་སྲས་ཨོ་རྒྱན་དབང་ཕྱུག་མཆོག་གིས་ ཁ་ཙ་ འགོ་འབྱེད་གནང་ཡོདཔ་ཨིན་པས། ལས་རིམ་དེ་ འཛམ་གླིང་ཚོང་འབྲེལ་རིག་རྩལ་དང་ ཚོང་འབྲེལ་བརྩི་མཐོང་བློ་གཏད་བཟོ་ཐབས་ལུ་ བཟོ་བཀོད་འབད་ཡོདཔ་ཨིན་པས། ཨེ་བི་ཨི་གོ་ལོ་བཱལ་ལས་སྡེ་དེ་ རང་སྐྱོང་ལས་སྡེ་ཅིག་ཨིནམ་ད་ དེ་གིས་ ཚོང་འབྲེལ་ཤེས་ཡོན་ཐོག་ལུ་ ངོ་རྐྱང་ཚུ་ ཡར་ཐོན་འབད་ཚུགས་པའི་ཁར་ ཀིཌསི་ཨེམ་བི་ཨེ་ཚོང་འབྲེལ་ ལས་རིམ་གྱིས་ རྒྱལ་ཁབ་༣༠ ནང་ ལག་ལེན་འཐབ་ཚུགས་པའི་ ངོས་འཛིན་ཚུ་ཡོདཔ་ཨིན་པས། ན་གཞོན་གོང་འཕེལ་མ་དངུལ་གྱི་མདོ་ཆེན་ ཀུན་ལེགས་བསྟན་འཛིན་གྱིས་ བཤད་མིའི་ནང་ ཀིཌསི་ཨེམ་བི་ཨེ་ཚོང་འབྲེལ་ ལས་རིམ་གྱིས་ གནམ་དགུན་གྱི་ལས་རིམ་ཞབས་ཏོག་ཚུ་ཡོདཔ་ལས་ སློབ་ཕྲུག་ཨ་ལུ་ཚུ་ལུ་ དུས་རབས་༢༡ པའི་ནང་ དགོས་མཁོ་ཆེ་བའི་ རིག་རྩལ་གོང་འཕེལ་ཚུ་ ངལ་གསོའི་དུས་ཚོད་ཁར་ ལག་ལེན་འཐབ་ཚུགས་ནི་ཨིན་པས། ཁོ་གིས་ ནན་བསྐུལ་འབད་མིའི་ནང་ གསར་བཏོད་དང་ ཚོང་འབྲེལ་ལས་སྡེ་དེ་ ན་གཞོན་ཚུ་ འབྲུག་གི་ཚོང་འབྲེལ་ལས་སྡེའི་ རིམ་ལུགས་ནང་ སྒྲིང་སྒྲི་བཟོ་སྟེ་ རང་ལུགས་ཐོག་ལུ་འབད་བ་ཅིན་ ན་ལོན་ཚུ་ལུ་ དམིགས་བཏད་བསྐྱེད་དེ་ཡོད་ཟེར་ཨིན་པས། ཞིབ་འཇུག་དང་འཁྲིལཝ་ད་ ཚོང་འབྲེལ་ལས་སྡེ་དེ་ འཕེལ་ཚད་དང་ གོ་སྐབས་ཀྱི་དོན་ལུ་ གཙོ་རིམ་ཅན་ཅིག་ཨིནམ་ད་ ད་ལྟོའི་གནས་སྟངས་ནང་ ང་བཅས་ཀྱི་རྒྱལ་ཡོངས་དེ་ སྤྱི་ལོ་༢༠༡༦ ལས་འགོ་བཙུགས་ འཛམ་གླིག་གསར་བཏོད་ཟུར་སྦྲགས་སྙན་ཞུའི་ནང་ གསལ་བཀོད་འབད་དེ་མིན་འདུག་ཟེར་ ཀུན་ལེགས་བསྟན་འཛིན་གྱིས་ བཤདཔ་ཨིན་པས། ཀིཌསི་ཨེམ་བི་ཨེ་ཚོང་འབྲེལ་ལས་རིམ་དེ་ ཨ་ལུ་སྐྱེས་ལོ་༡༡-༡༥ འབད་མི་ སློབ་རིམ་༦-༨ བར་ན་ཡོད་མི་ཚུ་ལུ་ བྱིན་དོ་ཡོདཔ་ད་ ཚོང་འབྲེལ་འཐབ་ནི་འགོ་བཙུགས་པའི་བསྒང་ལས་ འཛམ་གླིང་དངོས་མཐོང་གི་ ཉམས་མྱོང་འཐོབ་ནི་དང་ མི་ཚེའི་རིག་རྩལ་ སེམས་ཁམས་བདེ་ཐབས་ཚུ་ ཚོང་འབྲེལ་ལེགས་ལྡན་འཐབ་དོན་ལུ་ དགོས་མཁོ་ཡོདཔ་སྦེ་ཨིན་པས། ངོས་འཛིན་ཅན་གྱི་སྦྱོང་བརྡར་བ་གཉིས་ཀྱིས་ ཨེ་བི་ཨི་ལམ་ལུགས་ཐོག་ སྦྱོང་བརྡར་བྱིན་དོ་ཡོདཔ་ད་ དེ་ཡང་ བཅའ་མར་གཏོགས་མི་ཚུ་ གནས་དོན་ཁག་༡༦ གི་ཐོག་ལས་ ལམ་སྟོན་འབད་ནི་ཨིནམ་ད་ ཉིནམ་བརྒྱད་ཀྱི་ནང་འཁོད་ལུ་ གནད་དོན་ཁག་བརྒྱད་ཁྱབ་ཡོདཔ་བཞིན་དུ་ དེ་ཡང་ ཨེ་བི་ཨི་ཆོས་ཚན་ ཚོང་འབྲེལ་གྱི་ཐབས་ཤེས་གོང་འཕེལ་ བདེན་ཁུངས་ ཚོང་འབྲེལ་ཞིབ་འཚོལ་ ཚོང་མགྲོན་པ་སོ་སོ་དབྱེ་ཁག་ཕྱེ་ཡོད་མི་ དངུལ་འབྲེལ་གྱི་འཆར་གཞི་ འཆར་དངུལ་ ཚོང་འབྲེལ་ ཚོང་བཙོང་གི་ཐབས་བྱུས་ སྡེ་ཚན་གྱི་མཉམ་འབྲེལ་ རྒྱུན་འབྲེལ་ གསལ་བཤད་འབད་ནི་ དེ་ལས་ གལ་གནད་ཅན་གྱི་རིག་རྩལ་གཞན་ཚུ་ ཡོདཔ་ཨིན་པས། གོ་རིམ་དང་པའི་ལས་རིམ་དེ་ སློབ་ཕྲུག་༢༥ གིས་ ད་རིས་ལས་ འགོ་བཙུགས་ཡོདཔ་ད་ བཅའ་མར་གཏོགས་མི་རེ་གིས་ དངུལ་ཀྲམ་༡༠,༠༠༠ རེ་ སྤྲོད་ཡོདཔ་ཨིན་པས། ཀུན་ལེགས་བསྟན་འཛིན་གྱིས་ བཤད་མིའི་ནང་ མ་འོངས་པའི་ བཅའ་མར་གཏོགས་མི་ཚུ་ལུ་ འཐུས་ཡར་སེང་འབད་འོང་ཟེར་ཨིནམ་ད་ ཨིན་རུང་ ལས་རིམ་དེ་ འོས་འཚམས་དང་ལྡནམ་སྦེ་ བཞག་ནི་དང་ འཐུས་སྤྲོད་མི་ལས་ བརྒྱ་ཆ་༥༠ དེ་ ཨེ་བི་ཨི་ལུ་ ཆོས་ཚན་དང་ ལག་ཁྱེར་ཞིབ་དཔྱད་ཀྱི་དོན་ལུ་ ཨིན་ཟེར་ཨིན་པས། ལས་རིམ་དེ་ སྤྱི་ཟླ་༡ པའི་ཚེས་༢༥ ལུ་ དོ་འགྲན་འབད་ཐོག་ལས་ མཇུག་བསྡུ་ནི་དང་ སློབ་ཕྲུག་ཚུ་གིས་ རང་སོའི་སྡེ་ཚན་གྱི་ ཚོང་འབྲེལ་ཐབས་བྱུས་ཚུ་ ཁྱད་རིག་ལུ་ གསལ་སྟོན་འབད་ནི་ཨིན་ཟེར་ཨིན་པས། རྒྱལ་ཁ་ཐོབ་མི་སྡེ་ཚན་གཉིས་ཀྱིས་ དངུལ་རྐྱང་གི་ གསོལ་རས་ཚུ་འཐོབ་ནི་དང་ ཚོང་འབྲེལ་གྱི་རྒྱབ་སྐྱོར་ དེ་ལས་ འབྲུག་གསར་བཏོད་ལས་རིམ་ གྲོས་སྟོན་ཚུ་འབད་ནི་ཨིན་པས། ཨང་དང་པ་ཐོན་མི་སྡེ་ཚན་གྱིས་...

༉ ལོ་༦ གི་རིང་ ཚལ་ལུ་ཕྱིར་ཚོང་འཐབ་མི་ ཨོ་རྒྱན་གྲུ་པ་གིས་ ཚོང་འབྲེལ་ཡུན་བརྟན་བཟོ་ནི་དང་ ས་གནས་ཀྱི་དཔལ་འབྱོར་ལུ་ ལྷན་ཐབས་འབད་ནིའི་དོན་ལས་ ཚལ་ལུའི་དོ་ཁང་དང་འབྲེལ་བའི་ དཀའ་ངལ་ཚུ་ ཐོན་བཞིན་དུ་ཡོདཔ་ཨིན་པས། ཚལ་ལུའི་ཕྱིར་ཚོང་ དུས་ཚོད་ཨ་རྟག་ར་ བསམ་གྲུབ་ལྗོངས་མཁར་གྱི་ ཚལ་ལུ་ཕྱིར་ཚོང་པ་གཞན་༤ གིས་ཡང་ ཚལ་ལུ་ཕྱི་སེལ་དང་ སྐྱེལ་འདྲེན་བདེ་སྒྲིག་འབད་ནི་ལུ་ གནས་སྐབས་ཀྱི་ དོ་རྐྱབ་དགོཔ་ཐོན་ཡོདཔ་ལས་ ཟད་འགྲོ་ལྕིད་དྲགས་གནས་དོ་ཡོདཔ་ཨིན་པས། གནད་དོན་དེ་ལུ་བརྟེན་ ཚལ་ལུ་ཕྱིར་ཚོང་པ་ཚུ་གིས་ གཞུང་ལུ་ གཏན་འཇགས་དོ་ཁང་ཅིག་ རྐྱབ་དགོ་པའི་ ཞུ་བ་འབད་ཡོདཔ་ད་ མཐུན་རྐྱེན་དེ་གིས་ ཚལ་ལུ་ཕྱིར་ཚོང་ ཡར་དྲག་གཏང་ནི་དང་ གནས་སྐབས་ཀྱི་ཁྱིམ་ཚུ་ཡང་ རྐྱབ་དགོཔ་མི་འཐོན་ནི་མས་ཟེར་ ཚལ་ལུ་ཕྱིར་ཚོང་པ་ཚུ་གིས་ བཤདཔ་ཨིན་པས། ལོ་བསྟར་བཞིན་དུ་ ཕྱིར་ཚོང་པ་རེ་གིས་ གནས་སྐབས་དོ་ཁང་རྐྱབ་ནི་ལུ་ ཅ་ཆས་སྤག་ཤིང་དང་ གུར་ཉོ་ནི་ལུ་ དངུལ་ཀྲམ་༢༠༠,༠༠༠ ཟད་འགྲོ་བཏང་དོ་ཡོད་པའི་ཁར་ ཁྲོམ་སྡེ་གི་ ས་གླར་སྤྱོད་འཐུས་ ད་རུང་ དངུལ་ཀྲམ་༢༦,༠༠༠ དེ་རེ་ སྤྲོད་དགོཔ་ཨིན་པས། དེ་མ་ཚད་ ཚལ་ལུ་ཕྱིར་ཚོང་འཐབ་ཚར་བའི་ཤུལ་ལས་ དོ་ཁང་བརྡལ་གཏང་དགོཔ་བྱུང་མི་དེ་གིས་ཡང་ ཟད་འགྲོ་ཐེབས་གནས་དོ་ཡོདཔ་ཨིན་པས། ཡུ་ཌི་ཀོ་ཏ་ཕྱིར་ཚོང་གི་ཇོ་བདག་ ཨོ་རྒྱན་གྲུ་པ་གིས་ སླབ་མིའི་ནང་ ཚལ་ལུའི་ཕྱིར་ཚོང་གི་ དུས་ཚོད་ཨ་རྟག་ར་ དངུལ་འབྲེལ་དང་ དོ་ཁང་གི་དཀའ་ངལ་ཚུ་ བྱུང་དོ་ཡོདཔ་ད་ གལ་སྲིད་ གཞུང་གིས་ གཏན་འཇགས་ཀྱི་ དོ་ཁང་ཅིག་ རྐྱབ་གནང་པ་ཅིན་ གདོང་ལེན་ཚུ་ སེལ་ཐབས་འབད་ནི་ཨིནམ་མ་ཚད་ ཕྱིར་ཚོང་གི་ བྱ་སྒོའི་ལམ་ལུགས་ཚུ་ཡང་ ཡར་དྲག་འགྱོ་ནི་མས་ཟེར་ཨིན་པས། དུས་ཚོད་དང་བསྟུན་ དོ་ཁང་རྐྱབ་མི་གིས་ ཚལ་ལུ་དང་ ལོ་ཐོག་གཞན་ཚུ་གི་ སྤུས་ཚད་ལུ་ཡང་ ཐོ་ཕོག་དོ་ཡོདཔ་ད་ ཕྱིར་ཚོང་པ་ཚུ་གིས་ བཤད་མིའི་ནང་ དོ་ཁང་ལེགས་ཤོམ་ཅིག་མེདཔ་ལས་ ཚལ་ལུ་ཕྱི་སེལ་དང་ སྐྱེལ་འདྲེན་དང་འབྲེལ་བའི་དཀའ་ངལ་ཚུ་ བྱུང་ཡོདཔ་ཨིན་པས། ཕྱིར་ཚོང་འཐབ་མི་ཚུ་གིས་ སླབ་མིའི་ནང་ གཏན་འཇགས་ཀྱི་ དོ་ཁང་ཅིག་ཡོད་པ་ཅིན་ གདོང་ལེན་ལེ་ཤ་ཅིག་ར་ བསལ་ཚུགས་ནི་དང་ ཚལ་ལུ་བསག་བཞག་སའི་གནས་སྟངས་ བརྟན་ཏོག་ཏོ་བཟོ་ཚུགས་ནི་མ་ཚད་ དངུལ་ཐོག་ ཀེ་བ་དང་ ས་སྒ་ ཨ་ལཱན་ཅི་ ཚོད་བསྲེ་ལ་སོགས་པ་ཚུ་ ལེགས་ཤོམ་སྦེ་ ཉམས་སྲུང་འབད་བཞག་ཚུགས་ནི་ ཨིན་མས་ཟེར་ཨིན་པས། སྒོམ་དར་ལས་ རི་གཡང་ཕྱིར་ཚོང་གི་ཇོ་བདག་ རིན་ཆེན་རྡོ་རྗེ་གིས་ སླབ་མིའི་ནང་ གཏན་འཇགས་དོ་ཁང་གིས་ གསོག་འཇོག་དང་ ཉམས་སྲུང་གི་གནད་དོན་ཚུ་ བསལ་ཚུགས་ནི་ཨིནམ་མ་ཚད་ མི་སྡེ་དཔལ་འབྱོར་ལུ་ ལྷན་ཐབས་འབད་དེ་ ཟད་འགྲོ་ཚུ་ཡང་ མར་ཕབ་འབད་ཚུགས་ནི་མས་ཟེར་ཨིན་པས། ཕྱིར་ཚོང་འཐབ་མི་ཚུ་གིས་ སླབ་མིའི་ནང་ ཨ་ལཱན་ཅི་ཕྱིར་ཚོང་འཐབ་ཐོག་ལས་ རྒྱལ་ཁབ་ནང་ འོང་འབབ་བཟོ་དོ་ཡོདཔ་ལས་ གཞུང་གིས་ མཐུན་རྐྱེན་ཚུ་ ལེགས་བཅོས་འབད་དགོཔ་འདུག་ཟེར་ཨིན་པས། སོ་ནམ་འགོ་དཔོན་ཅིག་གིས་ སླབ་མིའི་ནང་ སོ་ནམ་པ་ཚུ་གི་དོན་ལུ་ ཕྱིར་ཚོང་གི་ གོ་སྐབས་ཡར་འཕར་གཏང་ནི་ལུ་ གཞི་རྟེན་མཐུན་རྐྱེན་ཚུ་ ཡར་དྲག་གཏང་དགོཔ་འདུག་ཟེར་ཨིན་པས། ཁོ་གིས་འབད་བ་ཅིན་ གལ་སྲིད་གནད་དོན་དེ་ སེལ་ཐབས་འབད་བ་ཅིན་ ཕྱིར་ཚོང་གི་ ཚོང་འབྲེལ་གཞི་སྒྱུར་སྦོམ་སྦེ་ར་ འགྱོ་ནི་མས་ཟེར་ཨིན་པས། གཏན་འཇགས་ཀྱི་ དོ་ཁང་ཅིག་དགོ་པའི་སྐོར་ལས་ རྫོང་ཁག་དང་ འབྲེལ་ཡོད་ལས་སྡེ་ཚུ་གི་བར་ན་ གྲོས་བསྟུན་ཞལ་འཛོམས་ཅིག་ཡང་ འཚོགས་ཡོད་རུང་ ཕྱིར་ཚོང་པ་ཚུ་གིས་ གཏན་འཇགས་ཀྱི་དོ་ཁང་ཅིག་ མ་རྐྱབ་ཚུན་ གནས་སྐབས་ཀྱི་མཐུན་རྐྱེན་དེ་ར་ ལག་ལེན་འཐབ་དགོ་ནི་མས་ཟེར་ ཨིན་པའི་གནས་ཚུལ། ཨོ་རྒྱན་རྡོ་རྗེ། Source link