E Sonndeg hat d’Police tëscht 11.30 Auer an 12.30 Auer op der A13 an Direktioun Péiteng d’Vitess kontrolléiert.

3 Chauffere waren iwwer 25 Stonnekilometer méi séier ewéi déi erlaabte Maximalvitess vun 110 Stonnekilometer. Si kruten e Protekoll vun 145 Euro an zwee Punken um Fürerschäin ofgeholl.

E weidere Fuerer krut dann de Fürerschäin ofgeholl. Dat well hie mat 227 Kilometer an der Stonn ënnerwee war.

Am spéide Sonndegnomëtteg krut d’Police dann e Gefier gemellt, dat op der Héicht vun Zolwer op der A13 am Zickzack ënnerwee wier.  Wéi eng Patrull de Chauffer doropshi kontrolléiert huet, konnt dëse kee valabele Fürerschäi virweisen. Den Alkoholtest war iwwerdeems positiv an et gouf e provisorescht Fuerverbuet verhaangen.

Um Sonndegowend war et dann um CR154 zu Alzeng zu engem Accident tëscht zwee Autoe komm, bei deem, éischten Informatiounen no, véier Persoune liicht blesséiert goufen. Well den Alkoholtest bei engem vun den involvéierte Chauffere positiv war, gouf och hei e provisorescht Fuerverbuet ausgeschwat.