E Freideg den Owend war et d’Suite vum 3. Spilldag an de Ligen A, B an C.
An der Liga A stounge sech Ungarn an Holland, sou wéi Bosnien-Herzegowina an Däitschland géigeniwwer.
Beim éischte Match sinn d’Ungarn an der éischter Spillhallschent mat engem Gol vum Roland Sallai, dat no enger gudder Pass vum Zsolt Nagy am Strofraum. Hie placéiert de Ball an de rietsen Eck vum Gol a mécht domadder den 1:0 fir Ungarn, dat an der 32. Spillminutt. Mat deem Resultat goung et och an d’Kabinnen. An der 2. Hallschent koum et dunn zu enger rouder Kaart, dat vir den Hollänner van Dijk, deen an der 76. Minutt Giel an an der 79. Minutt Giel-Roud gewise krutt. Ma obwuel an der Ënnerzuel, ass et Holland an der 83. Minutt gelongen, fir auszegläichen dat do engem Gol vum Dumfries. Bei deem Resultat ass et dunn och no 4 Minutten Nospillzäit bliwwen.
An der Partie Bosnien-Herzegowina géint Däitschland, war et da kloer Däitschland, déi déi besser Ufanksphas haten. Hei war et virun allem den Undav, dee mat 2 Goler konnt iwwerzeegen, dat an der 30. Minutt an an der 36. Minutt. E Gol an der 32. Minutt vum Kleindienst gouf nees oferkannt, dat well déi Onparteiesch Abseits erkannt haten. Däitschland war sengem Géigner Bosnien-Herzegowina an der éischter Hallschent kloer iwwerleeën. Ma no der Paus dunn ass et awer nees spannend ginn, dat virun allem no engem Gol vum Edin Dzeko an der 71. Minutt. Ma de Gol koum wuel ze spéit, der Ekipp ass et net méi gelongen, op 2:2 ze verkierzen, sou dass Däitschland d’Partie nach knapp gewënnt.
D’Rout Léiwe sinn iwwregens e Samschdeg a Bulgarien gefuerdert. D’Partie kënnt Dir vu 17.45 Auer u live op der Tëlee um RTL ZWEE, op RTL.lu an um RTL Play live suivéieren.
D’Resultater vun der Nations League
Déi komplett Resultater, d’Tabellen an d’Statistike fannt Dir hei.
